09.09.2026 | 11:48
ԱՄՆ-ն հայտնել է իրանական 5 լցանավերի ոչնչացման մասին․ Թեհրանը թիրախավորել է Հորդանանում ամերիկյան ռազմաբազան
Իրանը հայտարարել է Իսրայելին պատասխանելու իրավունքի մասին
Քաղաքականություն
28.10.2024 | 19:39
Իրանը կիրացնի իր տարածքին իսրայելական հարվածին պատասխանելու իր իրավունքը, իսկ պատասխանելու եղանակի և հանգամանքների մասին որոշումը կկայացնի զինված ուժերի իրավասու ղեկավարությունը, ասել է Իրանի ԱԳՆ խոսնակ Իսմայիլ Բաղային, փոխանցում է Tasnim գործակալությունը։
«Բոլորին հասկանալի է, որ Իրանի Իսլամական Հանրապետությունը չի խուսափի Իսրայելի ռեժիմի ագրեսիային պատասխանելու իր իրավունքից։ Մենք վճռական և լրջորեն ե նք տրամադրված մեր պատասխանի հարցում, որը կիրականացվի համապատասխան ձևով և հանգամանքներում, և որի վերաբերյալ որոշումը կընդունի մեր զինված ուժերի իրավասու ղեկավարությունը»,- ասել է Բաղային ամենշաբաթյա մամուլի ասուլիսի ժամանակ։
Հոկտեմբերի 26-ի գիշերը Իսրայելի բանակը հայտարարել է, որ հարվածներ կհասցնի Իրանում ռազմական օբյեկտներին՝ հոկտեմբերի 1-ին հրեական պետության վրա հարձակումներին պատասխանելու շրջանակում։ CBS News-ը, հղում անելով իր աղբյուրին, հայտնում է, որ Իրանի վրա Իսրայելի հարձակումը սահմանափակվել է ռազմական թիրախներով և չի տարածվել միջուկային կամ նավթային օբյեկտների վրա։
IRNA-ի հաղորդմամբ՝ Իրանի նավթարդյունաբերության օբյեկտներից ոչ մեկը չի տուժել: Իրանական լրատվամիջոցները հայտնել են չորս զինվորականի մահվան մասին։
Թարգմանությունը՝ Տաթև Ֆռանգյանի
