14.12.2025 | 21:40
Ոստիկանությունը ձերբակալել է Բրաունի համալսարանում կրակ բացելու մեջ կասկածվողին
Ապատեղեկատվության տարածման պատճառ են հանդիսանում նաև տեղեկատվական բացերը․ ԱԳ նախարարի տեղակալը՝ ՅՈՒՆԵՍԿՕ-ի համաժողովին
30.10.2024 | 17:50
Հոկտեմբերի 30-ին Ամմանում ՀՀ ԱԳ նախարարի տեղակալ Վահան Կոստանյանը մասնակցել և ելույթով հանդես է եկել ՅՈՒՆԵՍԿՕ-ի «Մեդիա և տեղեկատվական գրագիտության համաշխարհային շաբաթ» համաժողովի բարձրաստիճան նախարարական սեգմենտի պանելային քննարկմանը, որն այս տարի կազմակերպվել է ՅՈՒՆԵՍԿՕ-ի և Հորդանանի Հաշիմյան Թագավորության կողմից:
ՀՀ ԱԳՆ-ի փոխանցմամբ, իր խոսքում Վահան Կոստանյանն ընդգծել է․ «Ապատեղեկատվության դեմ պայքարի համատեքստում կարևոր է համընդհանուր մոտեցումը, միջազգային գործընկերների հետ համագործակցությունը և փորձի փոխանակումը։ Մեր տարածաշրջանում նույնպես առկա է նման խնդիրների հասցեագրման անհրաժեշտությունը»:
ԱԳ նախարարի տեղակալն անդրադարձ է կատարել ՀՀ կառավարության կողմից ձեռնարկված քայլերին՝ կարևորելով Ապատեղեկատվության դեմ պայքարի 2024-2026թթ հայեցակարգի գործադրմանն ուղղված ջանքերը և ընդգծելով կրթական համակարգում մեդիագրագիտության ներդրման կենսական նշանակությունը, այս համատեքստում` քաղաքացիական հասարակության կարևորությունը:
«Ապատեղեկատվության տարածման պատճառ են հանդիսանում նաև տեղեկատվական բացերը, որոնք անհրաժեշտ է լրացնել թափանցիկ և ժողովրդավարական կառավարման միջոցով»,– ընդգծել է, Վահան Կոստանյանը։
