07.10.2026 | 23:48
Արթուր Դանիելյանը կալանավորվեց
Ուկրաինան ծրագրում է երեք ամսում 160 հազար մարդու մոբիլիզացնել. BBC
Քաղաքականություն
30.10.2024 | 18:09
Ուկրաինայի իշխանությունները մտադիր են ծառայության զորակոչել 160 հազար մարդու, BBC-ի փոխանցմամբ՝ այս մասին խորհրդարանում հայտարարել է Ուկրաինայի Ազգային անվտանգության խորհրդի քարտուղար Ալեքսանդր Լիտվինենկոն։
«Ավելի քան 160,000 մարդու զորակոչելու պլաններ կան»,- ասել է Լիտվինենկոն:
AFP լրատվական գործակալության փոխանցմամբ էլ՝ զորակոչը տեղի կունենա երեք ամսվա ընթացքում։
BBC-ն նշում է, որ զինվորների սղության պատճառով ուկրաինական զինված ուժերը սկսել են ավելի ու ավելի շատ տարածքներ կորցնել․ 2022 թվականից ի վեր այս տարվա հոկտեմբերը դարձել է նրանց ամենավատ ամիսը: Մինչ այդ, ռուսական բանակը համալրվում է հյուսիսկորեացի զինվորներով։
Ապրիլին ընդունվել է զորահավաքի մասին նոր օրենքը, որով զորակոչի տարիքը 27-ից իջեցվել է 25-ի։ Բայց ռազմաճակատ ժամանած նորակոչիկները, պարզվել է, վատ պատրաստված են, շատերը պարզապես կռվել չգիտեն, դժգոհել են ճակատում կռվող հրամանատարները։ Նրանց խոսքով՝ նորակոչիկների կեսից ավելին արագ լքում է առաջնագիծը՝ սպանված կամ վիրավոր։
Թարգմանությունը՝ Տաթև Ֆռանգյանի
