22.12.2024 | 22:00
Ինքնաթիռի կործանում Բրազիլիայում․ կան զոհեր և տուժածներ
Ուկրաինայի ԶՈՒ գեներալը հայտարարել է, որ Դոնբասի ճակատը «քանդվել է»
Քաղաքականություն
29.10.2024 | 17:31
Ուկրաինայի զինված ուժերը շարունակում են դիրքեր կորցնել Դոնեցկի մարզում, ռուսական զորքերը գրեթե գրավել են Սելիդովոն, UNIAN-ի փոխանցմամբ՝ այս մասին հայտարարել է Ուկրաինայի ԶՈւ գեներալ-մայոր Դմիտրի Մարչենկոն։
«Ռազմական գաղտնիք չեմ բացահայտի, եթե ասեմ, որ մեր ճակատը քանդվել է։ Ցավոք, [ռուսները] մտան Սելիդովո և այնտեղ ամրապնդվում են։ Կարծում եմ, որ մոտ ապագայում կշրջափակեն ու ամբողջությամբ կգրավեն, ինչը նրանց տակտիկական ելք կտա Պոկրովսկ։ Սա շատ վատ է մեզ համար»,- ասել է նա:
Գեներալ-մայորի խոսքով՝ այս իրավիճակն առաջացել է զինամթերքի, զենքի և անձնակազմի բացակայության պատճառով։
«Չկա համալրում։ Մարդիկ շատ, շատ հոգնած են։ Նրանք պարզապես այլևս չեն ձգում այն ճակատները, որտեղ գտնվում են»,- նշել է Մարչենկոն։
Որպես ծանր վիճակի ևս մեկ պատճառ նա անվանել է «կառավարման անհավասարակշռությունը»։
«Այն, ինչ հիմա է կատարվում, ասեմ, որ այսպես հաստատ չպետք է լինի»,- եզրափակել է գեներալ-մայորը։
Հոկտեմբերի 27-ին բաց տվյալների վերլուծության փորձագետ և Bild-ի ռազմական վերլուծաբան Յուլիան Ռյոպկեն ևս հայտնել էր, որ Դոնեցկի շրջանի հարավում գտնվող ճակատը «փլուզվում է»։
Թարգմանությունը՝ Տաթև Ֆռանգյանի
