21.11.2024 | 23:30
Թուրքիայում ընդդիմադիր քաղաքապետներին դատապարտել են ազատազրկման «ահաբեկչության» մեղադրանքով
Հյուսիսկորեացի զինվորները կարող են մարտադաշտ տեղափոխվել հոկտեմբերի 27-28-ը․ Զելենսկի
Քաղաքականություն
25.10.2024 | 16:37
Հյուսիսային Կորեայի զորքերի առաջին ստորաբաժանումները կարող են մարտական գործողությունների մասնակցել Ուկրաինայում այս շաբաթավերջին, հայտարարել է Ուկրաինայի նախագահ Վլադիմիր Զելենսկին երկրի զինված ուժերի գերագույն գլխավոր հրամանատար Ալեքսանդր Սիրսկիի զեկույցից հետո, փոխանցում է BBC-ի ռուսական ծառայությունը։
«Հետախուզական տեղեկատվության համաձայն՝ արդեն հոկտեմբերի 27-28-ին Ռուսաստանի կողմից մարտական գոտիներում կօգտագործվեն Հյուսիսային Կորեայից առաջին զինվորականները։ Սա ակնհայտ էսկալացիոն քայլ է Ռուսաստանի կողմից, որը կարևոր է, ի տարբերություն այն ամբողջ ապատեղեկատվության, որոնք այս օրերին շատ են հնչում Կազանում»,- գրել է նա սոցցանցերում։
Հինգշաբթի Կազանում ԲՐԻԿՍ-ի գագաթնաժողովին հաջորդած մամուլի ասուլիսում ՌԴ նախագահ Վլադիմիր Պուտինը չի հերքել, որ ԿԺԴՀ-ն ռազմական անձնակազմ է տեղափոխում Ռուսաստան։
«Ինչ և ինչպես ենք մենք անելու՝ դա մեր գործն է»,- ասել է Պուտինը՝ չբացահայտելով որևէ մանրամասն հյուսիսկորեական ստորաբաժանումները Ռուսաստան ուղարկելու կամ դրանց նպատակների մասին։
Վլադիմիր Զելենսկիի խոսքով՝ Ռուսաստանը ցանկանում է, որ պատերազմը շարունակվի, ուստի անհրաժեշտ է «համաշխարհային առաջնորդների սկզբունքային և ուժեղ արձագանքը»։
«Հյուսիսային Կորեայի փաստացի ներգրավվածությունը ռազմական գործողություններին պետք է պատասխան ստանա ոչ թե փակ աչքերի և շփոթված մեկնաբանությունների տեսքով, այլ շոշափելի ճնշում գործադրելու ինչպես Մոսկվայի, այնպես էլ Փհենյանի վրա՝ հանուն ՄԱԿ-ի կանոնադրության պահպանման և էսկալացիայի համար պատժի»,- հավելել է Զելենսկին։
Թարգմանությունը՝ Տաթև Ֆռանգյանի
