08.10.2026 | 09:59
Կառավարության նիստը՝ ՈՒՂԻՂ
Մենք ցանկանում ենք զարգացնել համագործակցությունը ԲՐԻԿՍ-ի հետ․ Էրդողան
Քաղաքականություն
22.10.2024 | 20:26
Անկարան ցանկանում է զարգացնել համագործակցությունը ԲՐԻԿՍ-ի երկրների հետ։ Այս մասին հայտարարել է Թուրքիայի նախագահ Ռեջեփ Թայիփ Էրդողանը իր ղեկավարած «Արդարություն և զարգացում» կուսակցության գրասենյակում ունեցած ելույթում։
«Վաղը Ռուսաստանի նախագահ Պուտինի հրավերով կգնանք Թաթարստան։ Մենք Կազանում կմասնակցենք ԲՐԻԿՍ-ի գագաթնաժողովի շրջանակում կայանալիք առաջնորդների ընդլայնված նիստին։ ԲՐԻԿՍ-ի երկրները, որոնց մեծ մասը G20-ի անդամներ են, ինչպես Թուրքիան, ընդգրկում են աշխարհի մակերեսի մոտավորապես 30 տոկոսը և բնակչության 45 տոկոսը»,- ասել է Էրդողանը։
Բացի այդ, ըստ նրա, նավթի համաշխարհային արդյունահանման 40 տոկոսը, ապրանքների արտահանման 25 տոկոսը և համաշխարհային առևտրի 2/5-ն իրականացնում են ԲՐԻԿՍ-ի երկրները։
«Միայն այս տվյալները բացահայտում են այս հարթակի կարևորությունը: Որպես Թուրքիա՝ մենք ցանկանում ենք անկեղծորեն զարգացնել համագործակցությունը ԲՐԻԿՍ-ի հետ։ Հուսով եմ, որ Կազանի գագաթնաժողովը կհանգեցնի դրան»,-հայտարարել է Թուրքիայի նախագահը։
Հավելենք, որ Էրդողանը ԲՐԻԿՍ-ի գագաթնաժողովի շրջանակում բանակցություններ է անցկացնելու ՌԴ նախագահ Վլադիմիր Պուտինի հետ։
Թարգմանությունը՝ Էմմա Չոբանյանի
