16.02.2026 | 22:10
Ով է իրականացրել փոսային նորոգումը․ քրգործի ու 2 մլն 836 հազար դոլարի հետքերով. ՏԵՍԱՆՅՈՒԹ
Բայրամովը Բայդենի հատուկ օգնականի հետ ՀՀ-Ադրբեջանի կարգավորման գործընթացն է քննարկել
Քաղաքականություն
21.10.2024 | 19:11
Ադրբեջանի արտաքին գործերի նախարար Ջեյհուն Բայրամովն ԱՄՆ նախագահի հատուկ օգնական և Ազգային անվտանգության խորհրդի եվրոպական հարցերով ավագ տնօրեն Մայքլ Քարփենթերի գլխավորած պատվիրակության հետ հանդիպմանը քննարկել է տարածաշրջանային խնդիրները, Ադրբեջան-ԱՄՆ երկկողմ հարաբերությունները, ինչպես նաև Ադրբեջանի և Հայաստանի միջև հարաբերությունների կարգավորման գործընթացի ներկա վիճակն ու հեռանկարները։
Տեղի է ունեցել նաև մտքերի փոխանակում երկկողմ հետաքրքրություն ներկայացնող տարածաշրջանային խնդիրների շուրջ։
«Հանդիպման ընթացքում նախարարը մյուս կողմին տեղեկացրել է Ադրբեջանի և Հայաստանի միջև հարաբերությունների կարգավորման գործընթացի և խաղաղության համաձայնագրի, ինչպես նաև Ստամբուլում կայացած վերջին հանդիպման մասին։ Չնայած խաղաղության համաձայնագրի շուրջ բանակցություններում արձանագրված զգալի առաջընթացին՝ ընդգծվել է, որ վերջնական խաղաղության համաձայնագրի ստորագրման ամենալուրջ խոչընդոտն Ադրբեջանի նկատմամբ տարածքային պահանջների շարունակությունն է Հայաստանի մի շարք իրավական և քաղաքական փաստաթղթերում, հատկապես՝ Սահմանադրության մեջ»,- ասվում է ադրբեջանական կողմի հաղորդագրության մեջ։
Հիշեցնենք, որ ԱՄՆ պաշտոնյան այսօր ավելի վաղ հադիպել էր Ադրբեջանի նախագահ Իլհամ Ալիևին ու նրան փոխանցել ԱՄՆ նախագահ Ջո Բայդենի նամակը՝ այս տարվա ընթացքում Հայաստանի հետ խաղաղության պայմանագիր ստորագրելու կոչով։
Թարգմանությունը՝ Էմմա Չոբանյանի
