05.12.2025 | 23:32
ԱԱ․ Բաչկովը հաղթել է ժամկետից շուտ, Մաշակարյանը և Հովհաննիսյանը ևս շարժվում են առաջ
Բայրամովը Ֆիդանի հետ քննարկել է ՀՀ-ի հետ հարաբերությունների կարգավորման գործընթացը
Քաղաքականություն
18.10.2024 | 21:09
Ստամբուլում «3+3» տարածաշրջանային խորհրդակցական հարթակի հավաքի շրջանակում հանդիպել են Ադրբեջանի և Թուրքիայի արտաքին գործերի նախարարներ Ջեյհուն Բայրամովը և Հաքան Ֆիդանը։ Ադրբեջանի ԱԳՆ-ի հաղորդմամբ՝ կողմերը քննարկել են տարածաշրջանային և միջազգային համագործակցության հեռանկարները, Ադրբեջանի և Թուրքիայի միջև դաշնակցային հարաբերություններից բխող հարցեր։
Բացի այդ, նախարարները քննարկել են հետհակամարտային իրավիճակը Հարավային Կովկասում, ինչպես նաև գլոբալ անվտանգության մարտահրավերները։
Բայրամովը մանրամասն տեղեկատվություն է ներկայացրել «հետհակամարտային շրջանում տարածաշրջանում առկա իրավիճակի և իրողությունների, ինչպես նաև Ադրբեջանի և Հայաստանի միջև հարաբերությունների կարգավորման գործընթացի մասին՝ հայտարարելով, թե «խաղաղության գործընթացի առջև ծառացած խնդիրներ կան»։
Նա կրկնել է ադրբեջանական թեզերը, թե «անհանգստության աղբյուրը մնում է Հայաստանի Սահմանադրությունում Ադրբեջանի նկատմամբ տարածքային պահանջների շարունակումը, ինչպես նաև այն, որ Հայաստանն այդ ուղղությամբ համակարգված աշխատանք տանելու փոխարեն՝ անտեսում է խնդիրը»։
Ըստ ադրբեջանական կողմի՝ ասվել է, որ Թուրքիան միշտ աջակցում է տարածաշրջանում եղբայրական Ադրբեջանի խաղաղությանջանքերին, և հույս հայտնել, որ այդ գործընթացը մոտ ապագայում կավարտվի։
Թարգմանությունը՝ Էմմա Չոբանյանի
