08.10.2026 | 15:55
Եթե միտում լիներ դահլիճ մտնելու, կմտնեին. Տիգրան Աբրահամյանը` օգնականների գործողությունների մասին․ ՏԵՍԱՆՅՈՒԹ
Քննարկվել են Երևանի մետրոպոլիտենի արդիականացման ծրագրերը
Տնտեսություն
17.10.2024 | 13:33
Երևանի մետրոպոլիտենի գլխավոր տնօրենի ժ/պ Բաբկեն Սեդրակյանն ընդունել է Agence Française de Développement (AFD) Հարավային Կովկասի տարածաշրջանային գրասենյակի ղեկավարի տեղակալ Օլգա Կուկուին և AFD աշխատանքային խմբի ղեկավար, Եվրասիայի տարածաշրջանի քաղաքաշինության, պլանավորման և սոցիալական հարցերով բաժնի տարածաշրջանային տնօրեն Կարին Ֆրուին։
Ինչպես տեղեկանում ենք երևանի մետրոպոլիտենի տարածած հաղորդագրությունից, հանդիպման նպատակը մետրոպոլիտենի արդիականացման ծրագրերի մանրամասն քննարկումն էր, որոնց ուղղությամբ ներկայումս աշխատում է Երևանի մետրոպոլիտենը։
Հյուրերը հետաքրքրվել են մետրոյի ներդրումային հնարավորություններով և ծրագրերով, որոնք ուղղված են ենթակառուցվածքների զարգացմանը և բարելավմանը։
Քննարկվել են ֆինանսավորման աղբյուրները, ինչպես նաև այն մարտահրավերները, որոնք առկա են ենթակառուցվածքների ոլորտում։
Հատուկ շեշտվել է մետրոպոլիտենում արդիականացման և նորարարական լուծումների ներդրման կարևորությունն, ինչը կնպաստի մետրոյի աշխատանքի ավելի արդյունավետ և անվտանգ լինելուն։
Հանդիպման ընթացքում կարևորվել է ֆրանսիական փորձի և տեխնոլոգիաների ներգրավումը։
Հյուրերը նաև հետաքրքրվել են ենթակառուցվածքային այլ խնդիրներով և համագործակցության հնարավորություններով, որոնք կօգնեն մետրոյի զարգացման ծրագրերի հաջող իրականացմանը։
