21.02.2026 | 15:41
Հայտնի է՝ երբ է Հայաստանում բացվելու «Յուվենտուսի» ֆուտբոլային ակադեմիան
Զելենսկին Ռադային է ներկայացրել իր «հաղթանակի ծրագիրը»
Քաղաքականություն
16.10.2024 | 18:35
Ուկրաինայի նախագահ Վլադիմիր Զելենսկին Գերագույն ռադայում ներկայացրել է Ռուսաստանի հետ պատերազմում իր «հաղթանակի ծրագիրը»։ BBC-ի ռուսական ծառայության փոխանցմամբ՝ ծրագիրը բաղկացած է հինգ կետից ու երեք գաղտնի դիմումից։
Առաջին կետն աշխարհաքաղաքական է՝ Ուկրաինային հրավիրել ՆԱՏՕ «հիմա»։
Երկրորդ կետը պաշտպանությունն է։ Ռուսաստանի տարածքում գործողությունների շարունակություն և դրա տարածքում հարվածների սահմանափակումների վերացում, գործընկերների հետ ռուսական ավիացիայի համատեղ ոչնչացում, անօդաչու թռչող սարքերի և հրթիռների օգտագործման ընդլայնում և դաշնակիցների հետախուզական տվյալների հասանելիություն: Այս տարրը գաղտնի կետեր ունի։
Երրորդ կետը զսպումն է։ Ուկրաինան առաջարկում է իր տարածքում տեղակայել ինչ-որ համապարփակ ոչ միջուկային ռազմավարական զսպման փաթեթ, որը բավարար կլինի Ռուսաստանի կողմից ցանկացած ռազմական սպառնալիքից պաշտպանվելու համար (կա նաև գաղտնի հայտ՝ ԱՄՆ-ի հատված, որը Մեծ Բրիտանիան, Ֆրանսիան, Իտալիան և Գերմանիան արդեն ստացել են):
Չորրորդ կետն Ուկրաինայի տնտեսական ներուժի զարգացումը և պատժամիջոցների ուժեղացումն է (կա գաղտնի հատված, որը փոխանցվում է ԱՄՆ-ին և ԵՄ-ին):
Հինգերորդ կետն էլ նախատեսված է հետպատերազմյան ժամանակաշրջանի համար։ Պատերազմի ավարտից հետո ուկրաինացի զինվորականները կարող են օգտագործել իրենց փորձը ՆԱՏՕ-ի և Եվրոպայի պաշտպանությունն ուժեղացնելու համար։ Ուկրաինական զորամիավորումները պատերազմից հետո կկարողանան փոխարինել Եվրոպայում ամերիկյան զորախմբի մի մասին։
Թարգմանությունը՝ Էմմա Չոբանյանի
