17.07.2026 | 23:30
ԲԸՏՄ-ում քննարկվել են COP17-ի նախապատրաստական աշխատանքներն ու տեսչության մասնակցությունը
Թբիլիսին կօգտագործի իր ներուժը Ադրբեջանի և Հայաստանի միջև խաղաղության հասնելու համար. Վրաստանի ԱԳ նախարար
Քաղաքականություն
16.01.2025 | 18:40
Վրաստանը միշտ եղել է և կլինի Հարավային Կովկասի տարածաշրջանում խաղաղության կողմնակից, Բաքվում Ադրբեջանի արտգործնախարար Ջեյհուն Բայրամովի հետ համատեղ մամուլի ասուլիսի ժամանակ հայտարարել է Վրաստանի արտգործնախարար Մակա Բոչորիշվիլին։
Ադրբեջանական լրատվամիջոցների հաղորդմամբ՝ նա ընդգծել է, որ Հարավային Կովկասում խաղաղությունը չափազանց կարևոր է, քանի որ միայն խաղաղության պայմաններում է հնարավոր տարածաշրջանում հզոր տնտեսություն կառուցել։
«Վրաստանը պատրաստակամություն է հայտնում հաստատել բարիդրացիական հարաբերություններ և խաղաղություն մեր ընդհանուր տանը՝ Հարավային Կովկասի տարածաշրջանում»,- ասել է Վրաստանի ԱԳՆ ղեկավարը։
Ըստ նրա՝ Թբիլիսիի համար մեծ նշանակություն ունեն հարևան երկրների հետ հարաբերությունները։
«Մենք նաև ռազմավարական գործընկերություն ունենք Հայաստանի հետ, ինչը նույնպես կարևոր է։ Անհրաժեշտության դեպքում Վրաստանը կօգտագործի իր ամբողջ ներուժը, որ Ադրբեջանի և Հայաստանի միջև խաղաղություն ապահովվի»,- ասել է նա։
Թարգմանությունը՝ Էմմա Չոբանյանի
