13.01.2026 | 23:28
ՆԳՆ շրջիկ սպասարկման գրասենյակները ծառայություններ կմատուցեն Գեղարքունիքի և Վայոց ձորի մարզերում
Պարոն Բալասանյանին զգուշացվել է, որ այլևս նման աշխատանքներ չկատարի, այդտեղ 30 ծառ է տնկվելու․ ՏԵՍԱՆՅՈՒԹ
Տնտեսություն
07.10.2024 | 12:29
Տիգրան Ավինյանն այսօր անդրադարձավ համացանցում տարածված տեսանյութին, որտեղ բլոգեր Արթուր Չախոյանը ներկայացնում է, որ Վիտալի Բալասանյանը Երևանի Նոր Նորքի 4–րդ զանգվածում հող է զավթել և այրում է կանաչ ծառերը։ Նոր Նորք վարչական շրջանի ղեկավար Տիգրան Տեր-Մարգարյանն ասաց, որ այդ հատվածում եղել է կուտակված աղբ, ճյուղեր, կտրված ծառ չի եղել։
«Միգուցե ճյուղեր եղել են կտրված։ Այդ հողատարածքի հենց մեջտեղում կա հաստաբուն ծառ, եթե կտրեին հողազավթում անելու համար, առաջին հերթին կտրված պետք է լիներ հենց այդ ծառը։ Պարոն Բալասանյանին ասվել է, որ այլևս նման աշխատանքներ չկատարի։ Մեր այցի ժամանակ տեղեկացվել է, որ այդ տարածքում տնկվելու է մոտ 30 ծառ»,-ասաց նա։
Քաղաքապետարանի քաղաքաշինության և հողի վերահսկողության վարչության պետի պաշտոնակատար Սամվել Ղուկասյանն էլ հավելեց, որ աշխատանքները դադարեցվել են և այն հատվածը, որտեղ աշխատանքներ են իրականացվել, համայնքային հող է։
Մանրամասները՝ տեսանյութում։
