14.12.2025 | 10:10
Ահազանգեր են ստացվել տապալված ծառերի, սյուների, ինչպես նաև պոկված կառուցատարրերի վերաբերյալ․ ՆԳՆ
Երևանցիները չպետք է թույլ տան 5 հրեշ-երկնաքերերի կառուցումը Հրազդանի կիրճի ափին, աբսուրդ է. Թարխանյան
Հաղորդաշարեր
05.10.2024 | 19:00
«Դա աբսուրդի հասնող գաղափար է, երևանցիները չպե´տք է թույլ տան 5 հրեշ-երկնաքերերի կառուցումը Հրազդանի կիրճի ափին: Նախ`մենք սեյսմիկ գոտում ենք, կիրճի ճաքճքված եզրին այդպիսի ծանրություն դնել չի կարելի: Բացի այդ`ինչպե՞ս պետք է այդ քանակությամբ բնակիչներին ապահովել տրանսպորտով, ինչպե՞ս են լուծելու կոյուղագծերի հարցը, այդտեղ առկա չեն համապատասխան ինֆրաստրուկտուրաներ»,- Factor TV-ի հետ զրույցում նշում է ճարտարապետ Անահիտ Թարխանյանը`անդրադառնալով «Ռենշին» ընկերության այն ծրագրին, ըստ որի Երևանը կունենա, այսպես ասած, նոր սիմվոլ. Օրբելի-Բաղրամյան խաչմերուկում`35 հազար քկմ տարածքում, 2026-ի վերջին արդեն վեր կխոյանա 33 հարկանի 5 շենք:
Անահիտ Թարխանյանը նշում է, որ Երևանի գլխավոր ճարտարապետի պաշտոնի վերացումից հետո 4-5 ճարտարապետ են որոշում մայրաքաղաքի ճակատագիրը. «Ամեն բան այդ ճարտարապետների հայեցողությունից ու ճաշակից է կախված: Նրանք կազմում են Քաղաքաշինական խորհուրդը և ուղղորդում քաղաքապետին որոշումներ կայացնելու հարցում: Դրանք միանձնյա որոշումներ են: Մինչդեռ մեր քաղաքին գլխավոր ճարտարապետ է պետք քանի դեռ Երևանի`առաջիկա 30-40 տարվա գլխավոր հատակագիծը մշակված չէ»:
Մանրամասները`տեսանյութում:
Աննա Բաբաջանյան
