11.08.2026 | 00:05
Երկրաշարժ Վարդենիս քաղաքից 26 կմ հյուսիս-արևելք
Ադրբեջանն ու Հունգարիան ռազմական համագործակցության հարցեր են քննարկել
Քաղաքականություն
03.10.2024 | 22:36
Հունգարիայի Պաշտպանության նախարարության պատվիրակությունն այցելել է Ադրբեջան՝ երկու երկրների պաշտպանության նախարարությունների միջև կնքված 2024 թվականի երկկողմ համագործակցության ծրագրին համապատասխան։ Այս մասին հայտնում է Ադրբեջանի ՊՆ-ն, որին վկայակոչում են տեղական լրատվամիջոցները։
Հաղորդվում է, որ այցի ընթացքում հունգարական պատվիրակության անդամներն այցելել են հատուկ նշանակության ստորաբաժանման N զորամաս, որտեղ նրանց ներկայացվել է հատուկ ջոկատայինների մարտական փորձի վերաբերյալ ճեպազրույց։
Այնուհետև հունգարական կողմը ծանոթացել է զորամասում իրականացվող աշխատանքներին։ Նրանց ներկայացվել են նաև հատուկ գործողությունների խմբի մարտավարական գործունեությունը, ինչպես նաև ստորաբաժանումների կողմից կիրառվող սպառազինությունը, զինամթերքը և ռազմական տեխնիկան։
Նշվում է, որ հանդիպման նպատակը համագործակցության հեռանկարների շուրջ մտքերի փոխանակումն էր, ինչպես նաև փոխգործակցության զարգացմանն ուղղված առաջարկների քննարկումը։
Թարգմանությունը՝ Էմմա Չոբանյանի
