26.06.2026 | 18:39
Փաշինյանը AMAA բարեգործական ՀԿ–ի նախագահի հետ քննարկել է Վարդենիսում նոր կրթահամալիրի կառուցմանը վերաբերող հարցեր
Լրագրության որակի, մեդիադաշտի բևեռացման և սոցցանցերի «սարսափի» մասին. ապաքաղաքական զրույց Մարիա Թիթիզյանի հետ. ՏԵՍԱՆՅՈՒԹ
Հաղորդաշարեր
06.10.2024 | 21:00
Factor TV-ի A-politic հաղորդաշարի հյուրն է «EVN report» լրատվական հարթակի գլխավոր խմբագիր Մարիա Թիթիզյանը: Նրա համոզմամբ՝ լրագրության և ոչ լրագրության միջև սահմանագիծ, այնուամենայնիվ, կա. պրոֆեսիոնալ լրագրողը պետք է բոլոր հնարավորություններն օգտագործի՝ ստուգված և բազմակողմանի տեղեկություններ հաղորդելու համար: «Քաղաքացիական լրագրողը», բլոգերը, սոցցանցի շարքային օգտատերը նման պարտականությունից ազատված է:
Այդ իրավիճան ունի իր բացասական հետևանքները՝ մրցակցության մեջ իջնում է լրագրության որակը, իսկ սոցցանցերը, հաղորդման հյուրի բնութագրմամբ, դառնում են «սարսափ»: Ըստ Մարիա Թիթիզյանի՝ նման գործընթացներ տեղի են ունենում ամբողջ աշխարհում, և դրա բաղկացուցիչ մասը մեդիադաշտի բևեռացումն է, երբ լրատվամիջացները սպասարկում են կոնկրետ քաղաքական և տնտեսական խմբի շահերը: Բայց, օրինակ, Միացյալ Նահանգներում այս հարցում կա թափանցիկություն, և ընթացողը հնարավորություն ունի նախապես տեղեկանալու, թե ինչ ուղղվածության լրատվամիջոցի նյութեր է կարդում:
Լրագրողների կրթության հետ կապված, ըստ խմբագրի, նույնպես խնդիրներ կան: Մարիա Թիթիզյանի կարծիքով՝ քննարկելու հարց է՝ արդյո՞ք պետք է մի քանի բուհում ժուռնալիստիայի ֆակուլտետներ լինեն, և արդյո՞ք բակալավրիատը պետք է տևի 4 տարի:
Մանրամասները՝ տեսանյութում:
Արամ Աբրահամյան
