14.09.2026 | 18:19
Փաշինյանն ու Բունդեսթագի պատվիրակությունը քննարկել են Հայաստան–Գերմանիա և Հայաստան–ԵՄ հարաբերությունները
Տնտեսական ակտիվության ցուցանիշի աճի տեմպը նվազում է
Տնտեսություն
25.09.2024 | 13:15
Այս տարվա օգոստոս ամսին Հայաստանում տնտեսական ակտիվության ցուցանիշը նախորդ տարվա նույն ամսվա համեմատ կազմել է 5,6 %: Այս մասին Factor.am-ը տեղեկանում է ՀՀ վիճակագրական կոմիտեի հրապարակած նախնական տվյալներից։
Այսպիսով՝ տնտեսական ակտիվության աճի տեմպը դանդաղում է։ Նշենք, որ տարվա առաջին 4 ամիսներին 12-ամյսա ՏԱՑ-ը երկնիշ էր, մայիսից սկսեց նվազել։ Այսպես․ մայիսին 12-ամսյա տնտեսական ակտիվության ցուցանիշի աճը կազմել է 5,2 %, հունիսին՝ 7 %, հուլիսին՝ 6,2 %, օգոստոսին արդեն 5,6 %:
Գրանցած աճով օգոստոսին ևս առաջատարը արտաքին առևտրաշրջանառությունն է եղել։ Այսպես․ արտահանումը 1 տարում աճել է 58,1 %-ով՝ կազմելով 945 մլն դոլար, իսկ ներմուծումը՝ 18,7 %-ով՝ կազմելով 1 մլրդ 208 մլն դոլար։
Արդյունաբերական արտադրանքի ծավալն աճել է 7,5 %-ով, շինարարության ծավալը՝ 24,8 %-ով, առևտրի շրջանառությունը 2,5 %-ով, ծառայությունների ծավալը՝ 8,5 %-ով, էլեկտրաէներգիայի արտադրությունը՝ 7,9 %-ով, արտաքին առևտրաշրջանառությունը՝ 33 %-ով։
Ընդհանուր առմամբ՝ այս տարվա հունվար-օգոստոս ամիսներին նախորդ տարվա նույն ժամանակաշրջանի համեմատ տնտեսական ակտիվության ցուցանիշն աճել է 9 %-ով։
Անժելա Պողոսյան
