23.06.2026 | 00:27
Ամենամեծ էկրանով ստադիոնը, չսպասված երկրպագուներ. ԱԱ-2026-ի Բելգիա-Իրան խաղը` Factor TV-ի աչքերով
Թուրքիայի ԱԳՆ-ն հայտարարել է, որ խաղաղության բանակցություններ պետք է անցկացվեն՝ հարգելով «ուկրաինացի ժողովրդի օրինական շահերը»
Քաղաքականություն
16.09.2024 | 15:25
Թուրքիան չի վարանում աջակցել Ուկրաինային՝ որպես իր հարևան ու եղբայրական երկրի, և ձգտում է հնարավորինս շուտ դադարեցնել պատերազմը, որը պետք է տեղի ունենա «ուկրաինացի ժողովրդի օրինական շահերի» հարգման հիման վրա։ Այս մասին հայտարարել է Թուրքիայի ԱԳՆ Միջազգային անվտանգության հարցերով գլխավոր տնօրեն Բասաթ Օզթյուրքը՝ Վաշինգտոնյան Ատլանտյան խորհրդի ֆորումում ելույթ ունենալով «Համագործակցության ուսումնասիրում. Թուրքիան և արևմուտքը Սև ծովում» թեմայով, գրում է VOA-ի ուկրաինական ծառայությունը։
«Մենք առանց վարանելու աջակցում ենք Ուկրաինային, քանի որ Ուկրաինան մեր հարևանն է, պատմականորեն եղբայրական երկիր։ Մենք ուկրաինացի ժողովրդին համարում ենք մեզ քույրեր ու եղբայրներ, ուստի մենք չենք ցանկանում երկարացնել այս պատերազմը։ Իհարկե, դա չի նշանակում, որ Ուկրաինան պետք է հանձնվի։ Ոչ մի պատերազմ հավերժ չի տևել։ Այս պատերազմում խաղաղության հաստատման պայմաններում պետք է լինի նաև անվերապահ հարգանք ուկրաինացի ժողովրդի լեգիտիմ և օրինական շահերի նկատմամբ։ Մենք պետք է հավասարակշռված արդյունք ունենանք այս խաղաղ բանակցություններից»,- ասել է նա։
Հիշեցնենք, որ օրերս էլ Թուրքիայի նախագահ Ռեջեփ Թայիփ Էրդողանը հայտարարել էր, որ Ղրիմի վերադարձն Ուկրաինային միջազգային իրավունքի պահանջ է։
