14.01.2026 | 11:07
ԱԺ պետաիրավական հարցերի հանձնաժողովի նիստը՝ ՈՒՂԻՂ
Ուկրաինական բանակի ներխուժումը Կուրսկի շրջան պատերազմի սկզբից ի վեր ամենաուժեղ հարվածը հասցրեց Վլադիմիր Պուտինի վարկանիշին
Քաղաքականություն
30.08.2024 | 22:00
Ուկրաինական բանակի ներխուժումը Կուրսկի շրջան, որը շարունակվում է ավելի քան երեք շաբաթ՝ չնայած հակառակորդին «հաղթելու» գեներալների խոստումներին, պատերազմի սկզբից ի վեր ամենաուժեղ հարվածը հասցրեց ՌԴ նախագահ Վլադիմիր Պուտինի վարկանիշին։ Օգոստոսի 25-ի դրությամբ՝ Պուտինի գործունեության «հավանության» մակարդակը ռուս հասարակության շրջանում իջել է մինչև 72,4%, ինչը ամենացածր ցուցանիշն է պատերազմի առաջին շաբաթից ի վեր: The Moscow Times-ի փոխանցմամբ՝ այս մասին են վկայում ВЦИОМ -ի հրապարակած տվյալները:
Օգոստոսի 11-ից հետո երկու շաբաթվա ընթացքում Պուտինի վարկանիշը կորցրել է 4,7 տոկոսային կետ, ինչը Ուկրաինա ներխուժումից ի վեր ամենակտրուկ անկումն է։ Արդյունքում այս տվյալները գերազանցել են ինչպես մոբիլիզացիոն շրջանի «ստորին շեմը» (2022 թվականի նոյեմբերին՝ 73,7%), այնպես էլ «Վագներ» ռազմականացված խմբավորման ապստամբությունից հետո արձանագրված վազագույն շեմը (2023 թվականի օգոստոսին՝ 72,6 տոկոս):
Պուտինի վարկանիշի ներկայիս ցուցանիշն ամենացածրն է 2022 թվականի փետրվարի 27-ից ի վեր, երբ այն կազմել է 70,4%: 2022-ի վերջին նախապատերազմական շաբաթներին Պուտինի վարկանիշը տատանվել է 63-64%-ի սահմաններում, իսկ Ուկրաինա ներխուժումից հետո հասել է 79%-ի։
Առավելագույն հավանությունը՝ 79,6%, արձանագրվել է 2022 թվականի ապրիլին։
