14.01.2026 | 09:39
ԹՐԻՓՓ-ի միջոցով ինչի են ձգտում ՀՀ-ն ու ԱՄՆ-ը, ինչ օգուտներ են ակնկալում 2 երկրները
Օգտատերերը դժգոհում են Ozon-ի և Wildberries-ի խափանումից
Քաղաքականություն
29.08.2024 | 22:56
Ռուսաստանցի օգտատերերը դժգոհում են Wildberries և Ozon առցանց առևտրի հարթակներում անսարքության մասին։ Այս մասին են վկայում «Сбой.РФ» պորտալի տվյալները։
Ամենաշատ բողոքները ստացվել են Մոսկվայի (32%), Մոսկվայի մարզի (11%), Սանկտ Պետերբուրգի (7%) և Կրասնոդարի երկրամասի (4%) բնակիչներից։ Wildberries-ի մամուլի ծառայությունից հայտնել են, որ ընկերության մասնագետներն արդեն աշխատում են խնդիրը շտկելու ուղղությամբ։ Ընկերությունից նաև նշել են, որ հավելվածը և շուկայական ծառայություններն աշխատում են, սակայն որոշ օգտատերերի համար ծանուցումները կարող են ճիշտ չցուցադրվել։
Ozon-ի հետ կապված նույնպես դժվարություններ կան՝ կայքը չի բացվում։
«Առաքման և սպասման ցուցակը չի բացվում», «Դրամապանակի մնացորդը չի թարմացվում, հնարավոր չէ վճարել ստացված ապրանքների համար», «Պատվերը վճարվել է, գումարը գանձվել է, բայց պատվերը չի ցուցադրվում գնումներում»․ նման գրառումներ են արել սոցցանցերում օգտատերերը։
Մեկ շաբաթ առաջ էլ ռուսաստանցի օգտատերերը բախվել էին WhatsApp և Telegram մեսենջերների աշխատանքի լայնածավալ խափանումների։ Ռոսկոմնադզորը հայտնել է, որ խնդիրները կապված են ռուսական հեռահաղորդակցության օպերատորների վրա DDoS հարձակման հետ:
