21.11.2024 | 23:30
Թուրքիայում ընդդիմադիր քաղաքապետներին դատապարտել են ազատազրկման «ահաբեկչության» մեղադրանքով
Պավել Դուրովը զրկվել է ծնողական իրավունքից
Քաղաքականություն
29.08.2024 | 22:12
Շվեյցարական դատարանը որոշել է Telegram մեսենջերի հիմնադիր Պավել Դուրովին զրկել երեք երեխաների ծնողական իրավունքներից։ Երեխաների մայրը՝ Իրինա Բոլգարը, այս մասին հայտնել է Instagram-ում, փոխանցում է Գազետան։
Բոլգարի խոսքով՝ երեխաների և մեծահասակների պաշտպանության դատարանը Ժնևի խնամակալության մարմինների կողմից հետաքննություն է սկսել, որից հետո որոշել է ռուս միլիարդատիրոջը զրկել ծնողական իրավունքներից։ Խնամակալության մարմինները բազմիցս փորձել են կապ հաստատել Դուրովի հետ Բոլգարի տրամադրած բոլոր ուղիներով, սակայն նա անտեսել է բոլոր փորձերը։
Բոլգարը բացատրել է, որ ինքը դատական հայց է ներկայացրել Դուրովի դեմ նրա վերջնագրի պատճառով, որը նա ներկայացրել էր 2022 թվականի վերջին՝ պահանջելով տեղափոխվել ԱՄԷ։ Նա նշել է, որ այդ ժամանակ իրենց հարաբերություններն արդեն ավարտված են եղել, և ձեռնարկատերն իրեն չի հրավիրել միասին ապրելու։
Մերժումից հետո, ըստ Բոլգարի, Դուրովն արգելափակել է իր բոլոր հաշիվներին հասանելիությունը և դադարեցրել է վճարումները։ Երբ Բոլգարը հայտարարել է, որ օրենքի շրջանակում պաշտպանելու է իր և իր երեխաների իրավունքները, Դուրովը հրաժարվել է համաձայնություն ստորագրել եվրոպական փաստաթղթերը թարմացնելու և նորերը տրամադրելու վերաբերյալ։
