22.02.2026 | 15:51
Պակիստանը հարվածներ է հասցրել Աֆղանստանին, թալիբները հայտարարում են տասնյակ զոհերի մասին
Նամիբիայում փղերին և գետաձիերին կսպանեն՝ միսը բնակիչներին բաժանելու համար
Քաղաքականություն
28.08.2024 | 22:14
Նամիբիայի իշխանությունները վայրի կենդանիներին կսպանեն՝ նրանց միսը տեղի բնակիչներին բաժանելու համար, գրում է The Times of India-ն։
Մասնավորապես, երկրի Շրջակա միջավայրի նախարարությունը նախատեսում է սպանել 723 կենդանիների, այդ թվում՝ 83 փիղ, 30 գետաձի, 60 գոմեշ, 300 զեբր և անտիլոպների տարբեր տեսակներ։ Կենդանիների ոչնչացումը կիրականացվի այգիներում և հասարակական վայրերում, որտեղ, ըստ իշխանությունների, դրանց թիվը շատ է:
Նույն ծրագրի շրջանակում որսորդները և պետական պայմանագրային ընկերություններն արդեն սպանել են 157 խոշոր կենդանիների: Տեղի բնակիչները ստացել են ավելի քան 56 տոննա միս։ Շրջակա միջավայրի նախարարությունը հայտարարել է, որ մարդկանց և կենդանիների միջև մրցակցությունը սննդի և ջրի համար աճում է երկրում երաշտի ֆոնին:
ՄԱԿ-ի տվյալներով՝ աֆրիկյան մայրցամաքի հարավային հատվածում երաշտի պատճառով մոտ 68 միլիոն աֆրիկացի սովի եզրին է։ Վերջին մեկ ամսվա ընթացքում Նամիբիան սպառել է իր պարենային պաշարների 84%-ը։
Միևնույն ժամանակ, աֆրիկյան անտառային փղերը գտնվում են ոչնչացման եզրին, իսկ սովորական փիղը ներառված է վտանգված տեսակների միջազգային Կարմիր ցուցակում: Նախկինում այս կենդանիները համարվում էին «խոցելի»:
