22.01.2026 | 23:29
ՀՀ տարածքում կան փակ ավտոճանապարհներ, Լարսը բաց է
Հայտնի է՝ Վրաստանում խորհրդարանական ընտրությունները երբ տեղի կունենան
Քաղաքականություն
27.08.2024 | 21:44
Վրաստանի նախագահ Սալոմե Զուրաբիշվիլին կարգադրություն է ստորագրել երկրում խորհրդարանական ընտրությունները հոկտեմբերի 26-ին նշանակելու մասին: Այս մասին տեղեկացնում է Sputnik-ի վրացական ծառայությունը:
Սահմանադրության համաձայն ՝ խորհրդարանական ընտրությունները Վրաստանում անցկացվում են հոկտեմբերի վերջին շաբաթ օրը՝ գործող խորհրդարանի լիազորությունների ավարտման տարում: Նախագահը ընտրությունները նշանակում է քվեարկության օրվանից 60 օր առաջ:
«Հիմա մենք գործ չունենք սովորական ընտրությունների հետ, երբ քաղաքացին ընտրում է, թե որ քաղաքական ուժն է առավել մոտ իր աշխարհայացքին, այլ գործ ունենք երկրի ապագան փրկելու հետ։ Մեր ներկայիս ընտրությունը էքզիստենցիալ է, այդ ընտրությունը կորոշի երկրի ճակատագիրը», – հայտարարել է Զուրաբիշվիլին ճեպազրույցի ժամանակ։
Զուրաբիշվիլիի խոսքով՝ ընտրությունները հավասարազոր կլինեն հանրաքվեին:
