07.10.2026 | 17:05
Փաշինյանը սխալվում է․ կին համայնքապետեր ՀՀ-ում եղել են նաև 2018-ից առաջ
Ուկրաինան սկսել է բանակը պատրաստել 2025 թվականին պատերազմը շարունակելու համար․ Forbes
Քաղաքականություն
27.08.2024 | 23:18
Ուկրաինայի Զինված ուժերը ցամաքային զորքերի կազմում սկսել են նոր մեքենայացված բրիգադներ ստեղծել՝ կանխատեսելով, որ Ռուսաստանի հետ պատերազմը կշարունակվի 2025 թվականին, գրում է Forbes-ը։
Յուրաքանչյուր կազմավորում կներառի 2 հազար մարտիկի։ Բրիգադները վերապատրաստում կանցնեն արտերկրում և նորակոչիկների կներգրավեն այնտեղ ապրող ուկրաինացիներից։
Militaryland պորտալը, որը հետևում է Ուկրաինայի զինված ուժերի կառուցվածքին և նրանց գործողություններին, ստացել է առաջին ստեղծված 160-րդ մեխանիզացված բրիգադի կուրսանտների լուսանկարները, որոնք մարզվում են Լեհաստանում: Հայտնի չէ, թե քանի բրիգադ է նախատեսվում ստեղծել։ Սպասվում է, որ բոլորը կհամալրվեն արևմտյան տեխնիկայով, որը կտրամադրեն դաշնակիցները։
2023 թվականի աշնանից ուկրաինական բանակն արդեն ձևավորել է 10 նոր բրիգադ՝ չորս մեքենայացված, հինգ հետևակային և մեկ եգերյան։ Հետևակային բրիգադներմ ամենաքիչ կահավորվածն են և սովորաբար շարժվում են բեռնատարներով, եգերյան բրիգադներին տրամադրվում են թեթև զրահամեքենաներ, իսկ մեքենայացված բրիգադներն օգտագործում են հետագծով և անվավոր զրահապատ մեքենաներ ու սովորաբար ունեն առնվազն 12 տանկ:
Եթե բանակի ընդլայնման նոր փուլը ենթադրի նույն թվերը, ապա Ուկրաինայի զինված ուժերին անհրաժեշտ կլինի 20 հազար զինվոր, որոնց անհրաժեշտ կլինի համապատասխան տեխնիկա։ Լայնածավալ պատերազմի 29 ամիսների ընթացքում դաշնակիցներն Ուկրաինային տրամադրել են մոտ 12 հազար միավոր տարբեր տեխնիկա, մինչդեռ պաշտպանության ուժերը կորցրել են մոտ 6,4 հազար:
Եթե հաշվի առնվի նախորդ բրիգադների կազմավորման ժամանակը, ապա նոր կազմավորումներին մարտական գործողություններին պատրաստ լինելու համար կպահանջվի առնվազն վեց ամիս։ Սա նշանակում է, որ դրանք առաջնագծում կտեղակայվեն 2025 թվականից ոչ շուտ։
