30.05.2026 | 23:02
ՊՍԺ-ն երկրորդ տարին անընդմեջ դարձավ Չեմպիոնների լիգայի հաղթող․ ՏԵՍԱՆՅՈՒԹ
Կեղծ նարատիվներ են, թե Հայաստանը Ռուսաստանի դեմ է դուրս եկել․ ՌԴ-ն է հրահրել 2020 թվականի պատերազմը. Գևորգ Մելիքյան․ՏԵՍԱՆՅՈՒԹ
Քաղաքականություն
26.08.2024 | 21:00
Ալիևն ու Պուտինը, որպես երկու ավտորիտար ռեժիմներ, շարունակում են իրենց կոնսոլիդացիան՝ փորձել նոր աշխարհակարգում խաղի կանոններ թելադրել իրենց պատկերացումներով, որտեղ Հայաստանի դերակատարությունը գրեթե նվազագույնի է հասցված։ Factor TV-ի հետ զրույցում նման կարծիք է հայտնում Ազգային դիմակայունության հայկական ինստիտուտի տնօրեն, քաղաքական գիտությունների թեկնածու Գևորգ Մելիքյանը։
«Հայաստանը պետք է ընտրություն կատարեր գործիք կամ գործոն դառնալու միջև։ Հայաստանն անընդհատ ու անընդհատ շարունակում է մնալ գործիքի տրամաբանության մեջ և դեմ չէ, որ իրեն օգտագործեն տարբեր սխեմաներում, միայն թե հարաբերական խաղաղություն լինի սահմաններին, և արդյունքում իշխանությունը կարողանա շարունակել իշխանավարել»,- ասում է Մելիքյանը։
Նա կարծում է, թե Ռուսաստանն ու Ադրբեջանը միասին են գործում Հայաստանի դեմ, և կեղծ է համարում այն նարատիվը, թե Հայաստանը Ռուսաստանի դեմ է դուրս եկել։
«Հայաստանը կախված է ռուսական քաղաքական էսթաբլիշմենթի որոշումներից, բայց Ռուսաստանից ազատվելը մեկ կոճակ սեղմելով չի լինի»,- ընդգծում է Գևորգ Մելիքյանը։
Քաղաքագետն անդրադարձել է նաև Փաշինյան-Պուտին հեռախոսազրույցին, Պուտինի՝ Բաքու այցին և այլ թեմաների։
Հարցազրույցն ամբողջությամբ՝ տեսանյութում։
Արփի Հակոբյան
