16.03.2026 | 00:04
Ըմբիշ Սուրեն Աղաջանյանը դարձել է Եվրոպայի Մ-23 չեմպիոն․ ՏԵՍԱՆՅՈՒԹ
Ուկրաինան հարվածել է Կրասնոդարի «Կովկաս» նավահանգստում գտնվող վառելիքով լաստանավին
Քաղաքականություն
22.08.2024 | 20:28
Ռուսական իշխանությունները հայտնում են, որ Ուկրաինայի զինված ուժերը հարվածել են վառելիքի ցիստերներով լաստանավին, որը գտնվում է Կրասնոդարի երկրամասի «Կովկաս» նավահանգստում։ Տարածաշրջանային օպերատիվ շտաբի տվյալներով՝ տեղում հրդեհ է բռնկվել, գրում է BBC-ի ռուսական ծառայությունը։
Տեղական տելեգրամ ալիքները հրապարակում են լուսանկարներ, որոնցում ծխի մեծ սյուն է երևում «Կովկաս» նավահանգստի վրա։
«Տեղում աշխատում են շտապ օգնության և հատուկ ծառայությունները։ Հրդեհի տարածքը և տուժածների մասին տեղեկությունները ճշտվում են»,- ասված է օպերատիվ շտաբի հաղորդագրության մեջ։
Mash տելեգրամ-ալիքի հաղորդմամբ՝ ուկրաինացի զինվորականները կարող էին նավահանգստի ուղղությամբ արձակել Storm Shadow թևավոր հրթիռ, որն էլ խոցել է վառելիք տեղափոխող Aquatrader լաստանավը։ Այս տեղեկատվության պաշտոնական հաստատում չկա։
Ուկրաինան չի մեկնաբանել «Կովկաս» նավահանգստի վրա հարձակման մասին տեղեկությունը։
