14.12.2025 | 19:26
Մրգի խանութի սեփականատերը զինաթափել է Սիդնեյի լողափին մարդկանց վրա կրակողներից մեկին
ՌԴ գործարանները զանգվածային սնանկացման են բախվում՝ Չինաստանի կողմից հումքի մատակարարումները դադարեցնելու պատճառով
Քաղաքականություն
22.08.2024 | 22:14
Ռուսական արդյունաբերական ձեռնարկություններին սպառնում է սնանկացում և արտադրության դադարեցում՝ արտերկրից, այդ թվում՝ «բարեկամական» երկրներում կարևոր քիմիական հումք գնելու անկարողության պատճառով։ Այս մասին ասվում է 20 խոշոր ընկերությունների, մասնավորապես, ավտոմոբիլային արդյունաբերության, շինարարական ընկերությունների, կենցաղային տեխնիկա արտադրողների կողմից կառավարությանն ուղարկված նամակում։
ԵՄ պատժամիջոցների 14-րդ փաթեթի պատճառով դադարեցվել են պոլիմեթիլենֆենիլիզոցիանատների (MDI) մատակարարումները Ռուսաստան, որոնք օգտագործվում են պոլիուրեթանային փրփուրների, հերմետիկների, ինքնահարթեցվող հատակների, խողովակների, սառնարանների բաղադրիչների և ավտոպահեստամասերի արտադրության մեջ։ Այս հումքի հարցում տնտեսությունը 100%-ով կախված է ներմուծումից, մեջբերում է РБК-ն ՌԴ արդյունաբերության և առևտրի նախարար Անտոն Ալիխանովին ուղարկված նամակը։
ԱՄՆ-ից, Եվրոպայից և Ճապոնիայից մատակարարները դադարեցրել են առաքումները, նրանց միացել է նաև Չինաստանը:
Չինաստանից խոշորագույն MDI արտադրողը՝ Wanhua Chemical Group-ը, հայտարարել է Ռուսաստան մատակարարումների ամբողջական դադարեցման մասին։ Սաուդյան Արաբիայի հետ համաձայնության գալու փորձը հաջողությամբ չի պսակվել, բողոքում են արդյունաբերողները։ Sadara Chemical-ը չի հաստատել Ռուսաստան առաքումների հնարավորությունը։
«Այս որոշումը ցնցում էր արդյունաբերության համար, քանի որ հաշվի առնելով շուկայի մասնակիցների սահմանափակ պաշարը և MDI-ի պահպանման սահմանափակ ժամկետը՝ այս իրավիճակի պահպանումն առաջիկա մի քանի ամիսների ընթացքում կհանգեցնի առկա արտադրության դադարեցման և սնանկացման»,- ասվում է նամակում:
