Քաղաքականություն
20.08.2024 | 22:39
Հարավային Կորեան և ԱՄՆ-ը համատեղ զորավարժություններ են սկսել՝ ամրապնդելու օդային գործողությունների հնարավորությունները, հայտնում է Yonhap լրատվական գործակալությունը՝ հղում անելով Հարավային Կորեայի ռազմաօդային ուժերին։
Զորավարժություններին կմասնակցեն շուրջ 200 ինքնաթիռներ, այդ թվում՝ հարավկորեական F-15K, FA-50 և KF-16 կործանիչներ, ինչպես նաև ամերիկյան F-16 և A-10 կործանիչներ։
Նշվում է, որ սա «առաջին դեպքն է, երբ բազմաթիվ դաշնակից կործանիչներ մասնակցում են շուրջօրյա օդային զորավարժություններին, որոնք տեղի են ունենում օդում, ցամաքում և ծովում»:
Այս զորավարժությունները տեղի են ունենում ԱՄՆ-ի և Հարավային Կորեայի միջև ամենամյա ամառային զորավարժությունների՝ Ulchi Freedom Shield-ի շրջանակում, որոնք մեկնարկել են երեկ և կտևեն մինչև օգոստոսի 29-ը։
