06.12.2025 | 16:13
Հայաստանի հասարակությունը պատրաստ է Ադրբեջանի հետ խաղաղությանը. Արմեն Գրիգորյան
ԵՄ-ն Բաքվին կոչ է անում COP29-ից առաջ խաղաղության համաձայնագիր ստորագրել Երևանի հետ. EUobserver
Քաղաքականություն
19.08.2024 | 23:10
Եվրամիությունը կոչ է անում Ադրբեջանի իշխանություններին խաղաղության համաձայնագիր ստորագրել Հայաստանի հետ նոյեմբերին Բաքվում կայանալիք ՄԱԿ-ի կլիմայական համաժողովից առաջ (COP29): Այս մասին հայտնում է բրյուսելյան EUobserver-ը՝ հղում կատարելով Եվրահանձնաժողովին (ԵՀ)։
«Ժամանակն է վճռական քայլեր ձեռնարկել կայուն և տևական խաղաղության ճանապարհին։ Ադրբեջանը պետք է օգտագործի COP-29-ի հնարավորությունը Հայաստանի հետ խաղաղության համաձայնագիր ստորագրելու համար», – 1Lurer.am-ի փոխանցմամբ՝ EUobserver-ին հայտնել է Եվրահանձնաժողովի խոսնակը:
Դեռևս մայիսին ԵՄ արտաքին հարաբերությունների հանձնաժողովի ներկայացուցիչն էլ հայտարարել էր, որ COP29-ը լավ առիթ է Ադրբեջանի համար` վերահաստատելու իր հանձնառությունը միջազգային իրավունքին:
«COP29-ը Ադրբեջանի համար հնարավորություն է` վերահաստատելու իր հավատարմությունը միջազգային իրավունքով ստանձնած պարտավորություններին և պայմաններ ստեղծելու ազատ ու անկախ քաղաքացիական հասարակության աշխատանքի համար», – ասել էր ԵՄ արտաքին քաղաքականության հարցերով մամուլի խոսնակը:
