07.10.2026 | 16:20
Հայաստանի Կիոկուշին կարատեի ֆեդերացիան կանցկացնի «Սամուրայ» մրցաշարը
Ռուսաստանն ու Ադրբեջանը կսկսեն համատեղ նավթատարներ կառուցել
Քաղաքականություն
19.08.2024 | 22:12
Ռուսաստանն ու Ադրբեջանը համատեղ նավթատարներ կկառուցեն: Այս մասին հայտարարել է ՌԴ նախագահ Վլադիմիր Պուտինը Բաքվում ադրբեջանցի գործընկեր Իլհամ Ալիևի հետ բանակցություններից հետո, գրում է ՌԻԱ Նովոստին:
«Ռուսական միացյալ նավաշինական ընկերությունը Բաքվի նավաշինական գործարանի հետ միասին սկսում են նավթամթերքի տեղափոխման համար ժամանակակից գետային-ծովային նավթատարներ կառուցել»,- ասել է ՌԴ ղեկավարը։
Այդ նավերի օգտագործումն Ազովի-Սև ծով և Կասպից երթուղիներում զգալիորեն կբարձրացնի էներգառեսուրսների մատակարարումը համաշխարհային շուկաներ, ընդգծել է Պուտինը։
Նա նաև նշել է, որ ադրբեջանական շուկայում հաջողությամբ գործում են ռուսական ընկերությունները, այդ թվում՝ «Լուկօյլ»-ը և «ԿամԱԶ»-ը, որոնք կազմակերպել են հավաքման արտադրություն։ Բացի այդ, Transmashholding-ը մեկ այլ պայմանագիր է կնքել Բաքվի մետրոյի համար ռուսական մեքենաների մեծ խմբաքանակի արտադրության համար։
Համատեղ հայտարարության մեջ երկու երկրների նախագահները բարձր են գնահատել առևտրատնտեսական համագործակցության մակարդակը և առանձնացրել են դրա հետագա զարգացման հիմնական ուղղությունները։
