07.10.2026 | 20:38
Միկել Արտետան նոր պայմանագիր է կնքել «Արսենալի» հետ
«Մարդիկ սարսափած են». ՌԴ Կուրսկի մարզ են ուղարկվում ժամկետային զինծառայողներ․ The Moscow Times
Քաղաքականություն
19.08.2024 | 21:57
ՌԴ նախագահ Վլադիմիր Պուտինն այնքան զինվորներ չունի, որպեսզի փակի Կուրսկի շրջանի պաշտպանության անցքը։ Փորձագետների կարծիքով՝ Ուկրաինայի ԶՈւ ներխուժումից գրեթե երկու շաբաթ անց տարածաշրջանում ռուսական զորքերը դեռևս ավելի քիչ են, քան Ուկրաինային, ուստի Կուրսկի շրջանի պաշտպանության համար սկսել են զինակոչիկների հավաքել Ռուսաստանի այլ շրջաններից, գրում է The Moscow Times-ը։
«Մեզ հեղեղել են խնդրանքներով, հազիվ ենք հասցնում»,- Financial Times-ին ասել է «Идите лесом» նախագծի ներկայացուցիչ Իվան Չուվիլյաևը, որն օգնում է խուսափել Ուկրաինայի դեմ պատերազմին մասնակցելուց:
Նրա խոսքով՝ նախագծին զանգվածաբար սկսել են դիմել զորակոչիկները և նրանց ընտանիքի անդամները, որոնց սկսել են Կուրսկի մարզ ուղարկել այլ շրջաններից։
«Այն սկսվեց որոշ շրջաններից, սակայն այժմ պարզ է, որ զորակոչիկներ են մոբիլիզացվում ամբողջ Ռուսաստանում»,- նշել է նա։
Ըստ Չուվիլյաևի՝ նախագիծը զինակոչիկների դիմումներ է ստացել առնվազն 10 ստորաբաժանումներից, «այդպես կարելի է ասել, որ մոտ 1000 մարդ ուղարկվել է [Կուրսկ]»։ Դրանցից «միանգամայն հստակ» 250-ը տեղափոխվել է Լենինգրադի շրջանի մեկ ստորաբաժանումից։
«Մարդիկ սարսափած են»,- ընդգծել է նա։
Ի սկբզանե սահմանային հատվածը պետք է պահպանեին ԱԴԾ սահմանապահները, չեչենական «Ախմատ» գումարտակը և տարածաշրջանում տեղակայված զորամասերը, իր հերթին ասել է Ռուսաստանի զինված ուժերի հարցերով մասնագետ, Ռուսաստանի և Եվրասիայի հարցերով Քարնեգի բեռլինյան հետազոտությունների կենտրոնի ավագ գիտաշխատող Դարա Մասիկոտը։
