11.08.2026 | 00:05
Երկրաշարժ Վարդենիս քաղաքից 26 կմ հյուսիս-արևելք
Ուկրաինան Կուրսկի մերձակայքում գտնվող ռուսներին առաջարկել է տարհանել Սումիի շրջան
Քաղաքականություն
15.08.2024 | 23:09
Կիևում Կուրսկի շրջանի խաղաղ բնակչությանն առաջարկել են տարհանել Ուկրաինայի Սումիի շրջան։ Այս մասին ասվում է Ուկրաինայի փոխվարչապետ Իրինա Վերեշչուկի հայտարարության մեջ։
«Մենք այժմ աշխատում ենք զինվորականների հետ Կուրսկից Սումի խաղաղ բնակիչների համար մարդասիրական միջանցքի հնարավոր երթուղու ուղղությամբ»,- գրել է նա իր Telegram ալիքում:
Վերեշչուկը նաև նշել է, որ Ռուսաստանի քաղաքացիները, ցանկության դեպքում, կկարողանան տարհանվել դեպի Ռուսաստանի Դաշնություն, սակայն ռուսական կողմի համապատասխան պաշտոնական խնդրանքով։
«Այս պահի դրությամբ՝ նման հարցում չի ստացվել»,- նշել է փոխվարչապետը։
Մեկ օր առաջ Իրինա Վերեշչուկը հայտարարել էր, որ Ուկրաինայի Զինված ուժերը «մարդասիրական գործողություններ» են իրականացնելու Ռուսաստանի օկուպացված տարածքներում խաղաղ բնակիչներին աջակցելու համար։ Նրա խոսքով՝ նախատեսվում է նաև միջազգային մարդասիրական կազմակերպությունների մուտքը կազմակերպել՝ «մարդասիրական արձագանքման և հումանիտար իրավիճակի մոնիթորինգի» նպատակով։
