26.06.2026 | 23:30
Հունիսի 29-ին Հայաստանի մի շարք հասցեներում էլեկտրաէներգիայի անջատումներ կլինեն
Աբբասը հայտարարել է, որ Իրանը կարող է որոշում կայացնել Իսրայելին պատասխան տալու մասին առաջիկա ժամերին
Քաղաքականություն
13.08.2024 | 22:10
Իրանը կարող է որոշում ընդունել առաջիկա ժամերին Պաղեստինյան ՀԱՄԱՍ արմատական շարժման քաղբյուրոյի ղեկավար Իսմայիլ Հանիայի սպանությանը Իսրայելին պատասխանելու մասին: ТАСС-ի փոխանցմամբ՝ այս մասին հայտարարել է Պաղեստինի նախագահ Մահմուդ Աբբասը՝ հավելելով, որ Պաղեստինը պատերազմ չի ուզում։
«Որոշումը կարող է ընդունվել առաջիկա օրերին կամ նույնիսկ առաջիկա մի քանի ժամվա ընթացքում։ Նախ, մենք ՝ որպես պաղեստինցիներ, դեմ ենք պատերազմին։ Մենք [2023 թվականի հոկտեմբերի 7-ին] պաշտոնապես հայտարարել ենք, որ դեմ ենք պատերազմին և դեմ ենք խաղաղ բնակիչների, կանանց, երեխաների սպանությանը։ Մենք դեռ չենք կարող կանխատեսել, թե ինչ կլինի, բայց կարող ենք հուսալ, որ էսկալացիա տեղի չի ունենա, պատերազմ չի լինի, որի հետևանքները դժվար է գնահատել»։
Նրա խոսքով՝ ստեղծված իրավիճակի կապակցությամբ շատ լարված երկխոսություններ են ընթանում բոլոր երկրների միջև։
Իսմայիլ Հանիեն սպանվել է Թեհրանում հուլիսի 31-ին։ Նա Իրան էր ժամանել նորընտիր նախագահ Մասուդ Փեզեշքիանի երդմնակալության արարողությանը մասնակցելու նպատակով։ Իրանի արտգործնախարարության խոսնակ Նասեր Քանանին հայտարարել է, որ Թեհրանն Իսրայելին կասկածում է ՀԱՄԱՍ-ի քաղբյուրոյի ղեկավարի սպանության համար։ Իսրայելը ո՛չ հաստատել, ո՛չ հերքել է իր մասնակցությունը։ Իրանի գերագույն առաջնորդ այաթոլլա Ալի Խամենեին «խիստ պատիժ» է խոստացել ՀԱՄԱՍ-ի քաղբյուրոյի ղեկավարի մահվան համար։
