30.04.2026 | 23:18
ՀՀ 4 քաղաքում մթնոլորտային օդում փոշու պարունակությունը գերազանցել է սահմանային թույլատրելի կոնցենտրացիան
ՌԴ-ն ՀՀ-ն դիտարկում է և՛ պլացդարմ, և՛ ֆորպոստ, և՛ հարավային դարպաս․Դավիթ Կարապետյան. ՏԵՍԱՆՅՈՒԹ
Քաղաքականություն
13.08.2024 | 20:30
Գալու է օրը, երբ ՌԴ-ն գալու է նոյմեմբերի 9-ի փաստաթղթի 9-րդ կետի հետևից որպես պահանջ, Factor TV-ի հետ զրույցում նման տեսակետ հայտնեց միջազգայնագետ, քաղաքական վերլուծաբան Դավիթ Կարապետյանն՝ անդրադառնալով հայ- ադրբեջանական պայմանավորվածությանն, ըստ որի՝ խաղաղության պայմանագրի նախագծից հանվել է տարածաշրջանային հաղորդակցությունների վերաբերյալ կետը։ Նա ընդգծեց, որ այսպես կոչված «Զանգեզուրի միջանցք»-ի շահառուներից է Ռուսաստանը։
«ՌԴ-ն ՀՀ-ն դիտարկում է և՛ պլացդարմ, և՛ ֆորպոստ, և՛ հարավային դարպաս։ Հայաստանը գտնվում է Ռուսաստանի ուղեծրի տակ․ ես հարց եմ տալիս, որ «Զվարթնոցից» ռուս սահմանապահները դուրս եկան, առհասարական դո՞ւրս եկան Հայաստանից։ Իհարկե՝ ոչ, շարունակում են ծառայություն իրականացնել հայ- իրանական սահմանահատվածում։ 102-րդ ռազմաբազան իր տեղում է։ 1997 թվականին հայ-ռուսական փոխօգնության և դաշնակցային հարաբերությունների փաստաթուղթը տեղում է, մենք ՀԱՊԿ-ի անդամ ենք առ այսօր, ԵԱՏՄ-ի անդամ ենք, հոյակապ առևտրատնտեսային հարաբերությունների մասին է խոսվում» ,- նշեց Դավիթ Կարապետյանը։
Դավիթ Կարապետյանի հետ զրուցել ենք նաև ռուս-ուկրաինական պատերազմում վերջին զարգացումներից, Իսրայել-Իրան հնարավոր էսկալացիայից։
Մանրամասները՝ տեսանյութում։
Մանյա Պողոսյան
