Քաղաքականություն
13.08.2024 | 18:11
Ռուս զինվորականները հայտնել են, որ վերջին 24 ժամվա ընթացքում կանխել են Ուկրաինայի զինված ուժերի շարժական խմբերի՝ Կուրսկի շրջանի Կորենևսկի շրջանի չորս բնակավայրերի մոտ Ռուսաստանի տարածք ներխուժելու փորձերը, փոխանցում է BBC-ի ռուսական ծառայությունը։
«Օրվա ընթացքում «Հյուսիս» խմբավորման ուժերի ու նրանց մոտեցող պահեստայինների ակտիվ գործողություններով, բանակային ավիացիայի հարվածներով, ԱԹՍ-ներով և հրետանու կրակով կանխվել է զրահամեքենաներով ՌԴ տարածք ներխուժելու՝ հակառակորդի շարժական խմբերի փորձերը»,- ասվում է ՌԴ ՊՆ հաղորդագրության մեջ։
Նախօրեին ՌԴ նախագահ Վլադիմիր Պուտինի հետ հանդիպմանը շրջանի նահանգապետի պաշտոնակատար Ալեքսեյ Սմիրնովը հայտնել էր, որ Ուկրաինայի զինված ուժերը վերահսկում են Կուրսկի շրջանի 28 բնակավայր։
