23.06.2026 | 22:01
Պայթյուն Թուրքիայի զինամթերքի պահեստներից մեկում. կան զոհեր
Ուկրաինայի ԶՈՒ վերահսկողության տակ է գտնվում 28 բնակավայր, 180 հազար մարդ պետք է տարհանվի. Կուրսկի շրջանի ղեկավար
Քաղաքականություն
12.08.2024 | 22:00
Կուրսկի մարզի նահանգապետի պաշտոնակատար Ալեքսեյ Սմիրնովը ՌԴ նախագահ Վլադիմիր Պուտինի հետ հանդիպմանը հայտնել է, որ Ռուսաստանի այս տարածաշրջանի 28 բնակավայրեր գտնվում են Ուկրաինայի զինված ուժերի վերահսկողության տակ, գրում է Current Time-ը։
«Կուրսկի շրջանի տարածք ներթափանցման խորությունը 12 կիլոմետր է, ճակատի լայնությունը՝ 40 կիլոմետր»,- ասել է նա։
Ըստ աղբյուրի՝ այդ պահին նրան ընդհատել է Պուտինը՝ հայտարարելով, որ ռազմական գերատեսչությունները կզեկուցեն ուկրաինացի զինվորականների ներթափանցման լայնության և խորության մասին, և նրան առաջարկել է անդրադառնալ սոցիալ-տնտեսական խնդիրներին և մարդկանց ցուցաբերվող օգնությանը։
Սմիրնովն ասել է, որ այս գոտում (28 բնակավայրերում) կա մոտ երկու հազար մարդ, որոնց ճակատագրի մասին իշխանությունները ոչինչ չգիտեն։
«Բացի այդ, այս ընթացքում զգալիորեն ավելացել են անօդաչու թռչող սարքերով և հրթիռներով հարձակումները։ Արձակվել է 194 հրթիռ և անօդաչու թռչող սարք, 147-ը խոցվել է»,- ասել է նա:
Ըստ Սմիտնովի՝ տարածաշրջանում 180 հազար մարդ ենթակա է տարհանման, 121 հազար մարդ արդեն հեռացել և տարհանվել է: Միաժամանակ, Ուկրաինայի ԶՈՒ հարձակման ժամանակ 12 մարդ է զոհվել, վիրավորվել՝ 121-ը, այդ թվում՝ 9 երեխա։
Պուտինն ավելի վաղ ՊՆ-ից պահանջել էր «դուրս մղել թշնամուն» Ռուսաստանի տարածքից և «ապահովել պետական սահմանի հուսալի փակումը»։
