27.12.2025 | 19:00
32 անշարժ գույք և 312 մլն դրամ եկամուտ․ ինչ է հայտարարագրել Հայկ Մարությանը
Ադրբեջանի ընդդիմադիր «Ժողովրդական ճակատ»-ը հայտնել է կուսակցության ղեկավար Քերիմլիի նկատմամբ նոր ճնշումների մասին
Քաղաքականություն
12.08.2024 | 22:59
Ադրբեջանի ընդդիմադիր «Ժողովրդական ճակատ» կուսակցության նկատմամբ իշխանությունների ճնշումները, որոնք երկար տարիներ չեն դադարել, վերսկսվել են նոր թափով, ասվում է ընդդիմադիր կուսակցության հայտարարության մեջ, փոխանցում են ադրբեջանական լրատվամիջոցները։
Ներկայում իշխանությունները փորձում են օրենքից դուրս ճանաչել «Ժողովրդական ճակատ»-ը, իսկ դրա նախագահ Ալի Քերիմլիին զրկել քաղաքական գործունեությամբ զբաղվելու իրավունքից։
Նախկին ակտիվ կուսակցական, Վերահսկիչ և վերստուգիչ հանձնաժողովի նախագահ Այդին Ալիևը հեռացվել է կուսակցությունից՝ կառավարամետ գործունեության համար։ Այժմ Ալիևի բողոքի հիման վրա քրեական գործ է հարուցվել Քրեական օրենսգրքի 147.1 (զրպարտություն) հոդվածով։
Ավելի վաղ Ալիևի բողոքների հիման վրա Բաքվի Նասիսիմի շրջանային դատարանը բեկանել էր կուսակցության վերջին համագումարի որոշումները, այդ թվում՝ Քերիմլիի ընտրությունը կուսակցության նախագահի պաշտոնում, և Բաքվի վերաքննիչ դատարանը քննարկում է կուսակցության գործունեությունը կասեցնելու հայցը։
Իշխանություններն արդեն բազմիցս քրեական գործեր են հարուցել Ալի Քերիմլիի դեմ, իսկ նրա դեմ ցուցմունքներ կորզվել են խոշտանգումների ներքո ձերբակալված «Ժողովրդական ճակատի» անդամներից։ Բացի այդ, Քերիմլին բազմիցս ենթարկվել է ռեժիմի կողմից ֆիզիկական բռնությունների, որոնցից ամենադաժանը եղել է 2019 թվականի հոկտեմբերի 19-ին տեղի ունեցած երթի ժամանակ։
Ալի Քերիմլին 18 տարի արտասահման մեկնելու համար անձնագիր չի կարողանում ստանալ, 4 տարի է՝ սահմանափակվում են նրա ինտերնետն ու բջջային կապը։ Միաժամանակ, նա մշտական հսկողության տակ է։
