07.11.2026 | 09:42
Հայաստանը, ԱՄՆ-ն ու Ադրբեջանը գործարկել են ԹՐԻՓՓ-ի եռակողմ տեխնիկական պլանավորման խմբերը
Բագրատ Գալստանյանը պայքարի շարժման շրջանակներում այցելել է Շիրակի մարզ
Քաղաքականություն
04.08.2024 | 20:12
Նիկոլ Փաշինյանի հրաժարականը պահանջող Բագրատ Գալստանյանն այսօր այցելել է Շիրակի մարզի Սառնաղբյուր գյուղ։ Շարժման Տելեգրամյան էջում հրապարակվել են հատվածներ Բագրատ Գալստանյանի խոսքից։
«Ովքեր անպատիվ են՝ թող ապրեն այն միջավայրում, որ հենց իրենք են ստեղծել՝ անկախ նրանից քանի տարեկան են, ինչ ցեղ են և ումից են սերվել։ Մենք այստեղ եկել ենք պատվով, ընդունողը՝ կընդունի, չընդունողն էլ օրը կգա՝ կհասկանա թե ինչ էր, որ չընդունեց։ Իմ տեր Աստվածն ասել է գնա ու ժողովրդին ասա՝ ես էլ եկել եմ ասելու, կընդունեն՝ շատ լավ, չեն ընդունի՝ արյունը ձեզնից չեն պահանջի, արյունն իրենց գլխին լինի»,-ասել է նա։
Նիկոլ Փաշինյանի վարչապետի պաշտոնից հեռացնելու մասին Տավուշի թեմի առաջնորդը հայտարարեց մայիսի 9-ին Երևանում հրավիրված հանրահավաքի ժամանակ։ Գալստանյանն առաջարկում է ձևավորել ժամանակավոր կառավարություն, որը կղեկավարի ինքը և կանցկացնի նոր ընտրություններ։ Հանրահավքները և բողոքի ակցիաները, սակայն, արդյունք չտվեցին։
Նիկոլ Փաշինյանն իր դեմ իրականացվող ակցիաների կազմակերպիչ է համարում երկրորդ նախագահ Ռոբերտ Քոչարյանին և Ամենայն Հայոց կաթողիկոս Գարեգին Բ-ին։ Քոչարյանը որևէ կերպ չի արձագանքել Փաշինյանի հայտարարությանը։
