21.07.2026 | 14:33
Իրանը հայտարարել է Բահրեյնի ավիաբազայի ամերիկյան թիրախների վրա հարձակման մասին
Հանիեի վրեժխնդրության համար նախատեսված սցենարը հնարավոր չէ կռահել․ Հոսեին Թայեբ
Քաղաքականություն
04.08.2024 | 18:39
Հանիեի վրեժխնդրության համար նախատեսված սցենարն այն սցենարներից է, որը հնարավոր չէ կռահել։ Այս մասին հայտարարել է Իսլամական հեղափոխության պահապանների կորպուսի գլխավոր հրամանատարի խորհրդական Հոսեին Թայեբը․ փոխանցում է IRNA գործակալությունը։
«Քանի որ այսօր իսրայելցիները չգիտեն, թե որն է իրանական սցենարը, նրանց ներքին վիճակը սոցիալապես ցնցված է, իսկ տնտեսական առումով կապիտալը հեռանում է տարածաշրջանից, և ոչ ոք ներդրումներ չի անում Իսրայելում»,- նշել է Թայեբը՝ հավելելով, որ Նեթանյահուն ցանկանում է ՀԱՄԱՍ-ից կրած պարտությունը վերածել տարածաշրջանային պատերազմի և ԱՄՆ-ին ներգրավել դրա մեջ։
Ավելի վաղ հայտնել էինք՝ իսրայելական լրատվամիջոցները կանխատեսում են, որ օգոստոսի 12-13-ին՝ հրեա ժողովրդի ազգային սգո օրը (Երուսաղեմի առաջին և երկրորդ տաճարների ոչնչացման օրը), Իրանը ծրագրում է հարձակվել Իսրայելի վրա։
