Քաղաքականություն
04.08.2024 | 17:18
Մոսկվան զիջումների չի գնա ԱՄՆ-ին, եթե նրանք փորձեն միայն իրենց համար շահավետ գործողություններ պարտադրել Ռուսաստանի Դաշնությանը, կիրակի օրը «Ռոսիա 1» հեռուստաալիքի եթերում ասել է ՌԴ փոխարտգործնախարար Սերգեյ Ռյաբկովը՝ մեկնաբանելով ուկրաինական ճգնաժամի կարգավորման հարցում Ռուսաստանի դիրքորոշումը. փոխանցում է ՌԻԱ Նովոստին։
«Մոսկվայի կողմից միակողմանի զիջումների ժամանակն անվերադարձ անցյալում է, ապագայում երբեք նման բան չի լինի, նույնիսկ ՆԱՏՕ-ի, ԵՄ-ի հետ մեր հարաբերությունների լավագույն սցենարներում, ինչի մասին հիմա դժվար է մտածել, բայց նույնիսկ այս իրավիճակներում միակողմանի զիջումներ չեն արվի Արևմուտքի նկատմամբ»,- ասել է նա։
«Ոչ մի նվեր, զիջում, որևէ ժեստ՝ Վաշինգտոնին հանգստացնելու համար, եթե նրանք նորից փորձեն միայն իրենց ձեռնտու մի բան պարտադրել, ապա ոչ մի պայմանավորվածություն չի լինի»,- ընդգծել է Ռյաբկովը։
