06.06.2026 | 01:06
«Ուժեղ Հայաստանի» մասնակցությունը կվիճարկվի՞ Վարչական դատարանում, թե՞ ոչ․ «Հանրապետության» անդամը՝ իրենց որոշման մասին
Փոքր Վեդիի մանկապարտեզի դաստիարակն ազատ է արձակվել
Հասարակություն
29.07.2024 | 21:00
Փոքր Վեդիի մանկապարտեզում սանի նկատմամբ բռնություն գործադրելու դեպքով ձերբակալված դաստիարակը ազատ է արձակվել` այս մասին Factor.am-ին հայտնեց ՆԳՆ խոսնակ Նարեկ Սարգսյանը:
«Ձերբակալման 72 ժամը լրացել է, և նրա նկատմամբ խափանման միջոց ընտրելու հիմքեր չեն եղել»,- նշեց նա:
Ավելի վաղ ՔԿ խոսնակը տեղեկացրել էր,որ Փոքր Վեդիի «Զարթոնք» մանկապարտեզում երեխային ծեծի ենթարկած դաստիարակին մեղադրանք է առաջադրվել ՀՀ քրեական օրենսգրքի 196-րդ հոդվածի 2-րդ մասի 3-րդ կետով, այն է՝ անչափահասին ուժեղ ցավ կամ ֆիզիկական ուժեղ տառապանք պատճառելը։
ՔԿ խոսնակը նաև փոխանցել էր, որ երեխայի մայրը ճանաչվել է տուժողի օրինական ներկայացուցիչ, նա և տնօրենը հարցաքննվել են։
«Մանկապարտեզում այլ նմանատիպ դեպքի վերաբերյալ այս պահի դրությամբ քննությամբ դեռևս տվյալներ չեն ստացվել, սակայն այդ ուղությամբ քննություն իրականացվում է, նոր հանգամանքներ ի հայտ գալու դեպքում քրեադատավարական կարգով համապատասխան ընթացք կապահովվի»,- ասել էր Գոռ Աբրահամյանը։
Նշենք, որ համացանցում տեսանյութ էր տարածվել, որում երևում էր, թե ինչպես է Փոքր Վեդի համայնքի մանկապարտեզի դաստիարակը քնելու ժամին ծեծում երեխային։
Հիշեցնենք, որ Արարատի մարզպետարանից Factor.am-ին հայտնել էին, որ մանկապարտեզում երեխային ծեծի ենթարկած դաստիարակն ազատվել է աշխատանքից, իսկ մանկապարտեզի տնօրենին նկատողություն են հայտարարել։ Ոստիկանությունից էլ հաղորդել էին, որ մանկապարտեզի աշխատակիցը ձերբակալվել է։
Մանյա Պողոսյան
