25.06.2026 | 04:04
ԱԱ-2026. Բրազիլիան հաղթեց խոշոր հաշվով, Մարոկկոն ևս փլեյ-օֆֆում է. ՏԵՍԱՆՅՈՒԹ
«Ախ, մեռա»․ մանկապարտեզում երեխային ծեծի ենթարկելու տեսագրություն է տարածվել համացանցում․ ՏԵՍԱՆՅՈՒԹ
Հասարակություն
26.07.2024 | 16:30
Համացանցում տեսանյութ է տարածվում մանկապարտեզի ննջասենյակից․ կադրերում դաժան տեսարան է։ Միջին տարիքի մի կին ֆիզիկական բռնության է ենթարկում երեխային։ Նա ձեռքով հարվածներ է հասցնում երեխայի մարմնի տարբեր հատվածներին, բղավում նրա վրա, սպառնում։
«Արդեն դու զզվցրեցիր»,-ուժգին հարվածներ հասցնելով բղավում է մանկապարտեզի «դաստիարակը»։ Երեխան ցավից ճչում է․ «Ախ, մեռա»։ Սենյակում գտնվող մյուս երեխաները սարսափահար հետևում են ծեծին։ Ըստ ամենայնի՝ երեխան բռնության է ենթարկվում չքնելու պատճառով, քանի որ գտնվում է մահճակալի վրա։
Համացանցում կան տեղեկություններ, որ բռնության այդ դեպքը տեղի է ունեցել Արարատի մարզի Փոքր Վեդի համայնքի մանկապարտեզում։ Այս տեղեկությունը դեռ մեզ չի հաջողվել ճշտել։ Factor TV-ն կապ հաստատեց համայնքի վարչական ղեկավարի աշխատակազմ, բայց հեռախոսազանգերն անպատասխան մնացին։
Ներքին գործերի նախարարությունից Factor TV-ի հարցին ի պատասխան նշեց, որ դեպքի առնչությամբ հաղորդում չեն ստացել, սակայն, ոստիկանությունն ուսումնասիրում է տեսանյութը։
