09.09.2026 | 14:56
«Սուտ եք խոսում, Տավուշից Ադրբեջանին գյուղ չի հանձնվել»․ բանավեճ՝ Ղալումյանի և Ղազարյանի միջև․ ՏԵՍԱՆՅՈւԹ
Ադրբեջանում «ՌԻԱ Նովոստիի» կայքը կրկին արգելափակվել է
Քաղաքականություն
24.07.2024 | 22:30
Ադրբեջանում ռուսական «ՌԻԱ Նովոստի» լրատվական գործակալության կայքը կրկին արգելափակվել է, գրում են ադբեջանական լրատվամիջոցները։ Նշենք, որ կայքի արգելափակումը հանվել էր հուլիսին 23-ին, սակայն այն այսօր Ադրբեջանի տարածքում կրկին հասանելի չէ։ Իշխանությունները չեն մեկնաբանում տեղի ունեցածը:
Նշենք, որ լրատվամիջոցը արգելափակվել էր 2022 թ-ի հունիսին Արցախի պետնախարար Արտակ Բեգլարյանի հետ հարցազրույցի հրապարակման համար։ Ադրբեջանի ԱԳՆ-ն հայտարարություն էր տարածել՝ նշելով, թե դա հակասում է Ադրբեջանի և Ռուսաստանի միջև բարեկամության, անվտանգության և ռազմավարական գործընկերության համաձայնագրի և Դաշնակցային փոխգործակցության մասին հռչակագրի դրույթներին։
««ՌԻԱ Նովոստիի» կողմից Ադրբեջանի տարածքային ամբողջականության դեմ և անջատողական միտումներ քարոզող տեղեկատվության տարածումը չի համապատասխանում Ադրբեջանի և Ռուսաստանի միջև բարեկամական հարաբերությունների ոգուն և լուրջ ափսոսանք է առաջացնում»,- հայտարարել էր Ադրբեջանի ԱԳՆ այդ ժամանակվա մամուլի ծառայության ղեկավար Լեյլա Աբդուլլաևան։ Այնուհետև ռուսական լրատվամիջոցը կայքից հեռացրել էր 2022 թ-ի հունիսի 3-ին հրապարակված հարցազրույցը։
