07.10.2026 | 22:05
Վրաստանի կրթության, գիտության և երիտասարդության նախարարի հետ քննարկվել են համագործակցության հեռանկարները
Ամենամեծ նպատակը խաղաղության հիմնարար փոխըմբռնմանը հասնելն է՝ նախքան Ադրբեջանում COP-ի կայացումը․ Շոլցը՝ Փաշինյանի ու Ալիևի հետ հանդիպումների մասին
Քաղաքականություն
19.07.2024 | 17:25
Գերմանիայի կանցլեր Օլաֆ Շոլցը Մեծ Բրիտանիայում Եվրոպական քաղաքական համայնքի գագաթնաժողովի շրջանակում մամուլի ասուլիսում անդրադարձել է նաև Հայաստանի ու Ադրբեջանի ղեկավարների հետ ունեցած հանդիպումներին։
«Ինձ համար ևս կարևոր է զրույցը Հայաստանի վարչապետ պարոն Փաշինյանի և Ադրբեջանի նախագահ պարոն Ալիևի հետ։ Այս տարին շատ կարևոր է այս տարածաշրջանի համար։ Դա կարող է լինել խաղաղության տարի, եթե երկու կողմերն էլ հետագա վճռական և համարձակ քայլեր ձեռնարկեն միմյանց նկատմամբ։ Ես օգտվեցի հնարավորությունից՝ խրախուսելու նրանց դա անել»,- ասել է Գերմանիայի կանցլեը՝ նշելով, որ Եվրոպան կուղեկցի Հայաստանին և Ադրբեջանին միմյանց հետ խաղաղություն հաստատելու ճանապարհին, որը երկար կտևի և կապահովի երկարաժամկետ լավ համագործակցություն այս երկու երկրների միջև, որոնք հարևաններ են։
Հարցին, թե ինչ եզրակացություններ կարող է անել այսօրվա իր հանդիպումներից, քանի որ երկու երկրների հարաբերությունները դեռ լարված են, նա նշել է, որ կողմերը ինտենսիվ բանակցում են։
«Երկու երկրները ինտենսիվ բանակցում են միմյանց հետ, համեմատաբար հաճախ և կառուցողական մոտեցմամբ, այնպես որ արդեն իսկ ձեռք են բերվել բազմաթիվ կոնկրետ պայմանավորվածություններ սահմանային որոշ հարցերի և գերիների վերադարձի վերաբերյալ։ Ինչ-որ բան իսկապես տեղի է ունեցել, և բոլորը, ում հետ ես խոսել եմ այստեղ, տեսնում են, որ այն հարցերի ավելի քան 90 տոկոսը, որոնք խոչընդոտում են վերջնական խաղաղության համաձայնագրին, լուծված են: Ես բանակցություններից գիտեմ, որ վերջին տոկոսը երբեմն կարող է շատ դժվար լինել, բայց ասում եմ՝ ես դրան շատ ավելի հուսադրող եմ նայում, քան, օրինակ, անցյալ տարի։ Մենք միշտ սատարել ենք և պատրաստ ենք շարունակել դա, և երկու կողմերն էլ մեզ ընկալում են որպես լավ զրուցակից։ Նաև օգտակար , եթե ունեք մարդիկ, որոնք կարող են միավորել կողմերին»,- ասել է Գերմանիայի կանցլերը՝հավելելով
«Ամենամեծ նպատակը բոլորի համար, իհարկե, կլինի այն, որ սկզբունքորեն հնարավոր լինի հասնել հիմնարար փոխըմբռնման՝ նախքան Ադրբեջանում COP-ի կայացումը։ Բայց, կարծում եմ, որ նման հավակնություններ կան»։
