09.09.2026 | 11:48
ԱՄՆ-ն հայտնել է իրանական 5 լցանավերի ոչնչացման մասին․ Թեհրանը թիրախավորել է Հորդանանում ամերիկյան ռազմաբազան
Իրանում նախագահական ընտրությունների արդյունքները չեն ազդի Թեհրանի նկատմամբ ԱՄՆ քաղաքականության վրա. Պետդեպ
Քաղաքականություն
07.07.2024 | 17:52
Իրանի նախագահական ընտրությունները մեծ ազդեցություն չեն ունենա Իրանի նկատմամբ Բայդենի վարչակազմի մոտեցման վրա․ այս մասին «Iran International»-ին ասել է ԱՄՆ Պետդեպարտամենտի խոսնակ Մեթյու Միլլերը։
«Մեր մտահոգությունները Իրանի վարքագծի վերաբերյալ անփոփոխ են: Միևնույն ժամանակ, մենք հավատարիմ ենք մնում դիվանագիտությանը, երբ այն առաջ է մղում ամերիկյան շահերը»,- ասել է խոսնակը:
Իրանի արտահերթ նախագահական ընտրությունների առաջին փուլում ընտրողների մասնակցությունը կազմել է 39,92 տոկոս՝ ամենացածրն Իսլամական Հանրապետության պատմության մեջ: Երկրորդ փուլի քվեարկությունների ժամանակ պաշտոնական թվերը ցույց են տալիս ընտրողների թվի 10 տոկոս աճ, սակայն, այնուամենայնիվ, ընտրելու իրավունք ունեցողների ավելի քան 50 տոկոսը բոյկոտել է ընտրությունները:
«Իրանում ընտրություններն ազատ կամ արդար չեն եղել, արդյունքում իրանցիների մի զգալի մասը նախընտրել է ընդհանրապես չմասնակցել»,- ասել է ԱՄՆ Պետդեպարտամենտի խոսնակը։ «Մենք ոչ մի ակնկալիք չունենք, որ այս ընտրությունները կհանգեցնեն Իրանի ուղղության հիմնարար փոփոխության կամ ավելի մեծ հարգանքի իր քաղաքացիների մարդու իրավունքների նկատմամբ»:
Հիշեցնենք, որ Իրանում նախագահական ընտրություններում հաղթել է սրտի վիրաբույժ, ԻԻՀ առողջապահության և բժշկական կրթության նախկին նախարար և խորհրդարանի նախկին պատգամավոր Մասուդ Պեզեշքիանը։
