09.09.2026 | 12:03
ՌԴ-ն հարվածել է Ուկրաինա-Մոլդովա սահմանի անցակետին․ երկու մարդ զոհվել է
Առատ տեղումների և ուժեղ քամու հետևանքով վնասվել են Թբիլիսիի ենթակառուցվածքները
Քաղաքականություն
07.07.2024 | 16:41
Ուշ գիշերը Թբիլիսի հասած առատ տեղումները, որոնք ուղեկցվում էին ուժեղ քամով, խնդիրներ են ստեղծել մայրաքաղաքի համար։ Այս մասին գրում է Վրաստանի Առաջին ալիքը։
Թբիլիսիի քաղաքապետարանի մամուլի ծառայության փոխանցմամբ՝ վնասվել են հատկապես Սամգորի, Կրծանիսի եւ Սաբուրթալո շրջանները։
«Ընկած ծառերը վնաս են հասցրել տներին, տրանսպորտային միջոցներին, կոմունիկացիաներին։ Մի քանի վայրերում ուժեղ քամին քշել է բնակելի տների տանիքները։
Ողջ գիշեր քաղաքապետարանի և շրջանային վարչությունների ներկայացուցիչները՝ ՆԳ նախարարության Արտակարգ Իրավիճակների կառավարման ծառայության աշխատակիցների հետ միասին, ներկա են եղել բոլոր խնդրահարույց վայրերում։ Թափված ծառերով փակված ճանապարհները մաքրվել են, վնասները գնահատվում են»,- նշված է Թբիլիսիի քաղաքապետարանի հայտարարությունում։
