24.11.2024 | 21:56
Միակն ու անկրկնելին. ՀՀ-ում Ֆրանսիայի դեսպանի արձագանքը՝ Ադրբեջանի տարածքային պահանջներին
Ստեփանակերտից հետո Ալիևն այցելել է Շուշի
05.07.2024 | 16:57
Արցախի մայրաքաղաք Ստեփանակերտից հետո Ադրբեջանի նախագահ Իլհամ Ալիևը հիմա էլ Շուշիում է։ Ադրբեջանական լրատվամիջոցների հաղորդմամբ՝ Ալիևն այստեղ մասնակցել է հանգստի համալիրի, հանրային ծառայությունների կենտրոնի, վերականգնված Գովհար Աղա մզկիթի և ջրի մաքրման կայանների համալիրի բացմանը։
Նշենք, որ Գովհար Աղայի մզկիթը բարեկարգվել է Արցախի իշխանությունների կողմից, ապա IDeA հիմնադրամի միջոցներով կատարվել են վերականգնման միջոցառումներ։
Հայկական քաղաքում հուլիսի 5-6-ն Ադրբեջանն անցկացնելու է Թյուրքական պետությունների կազմակերպության ոչ պաշտոնական գագաթնաժողովը։ Միջոցառմանը մասնակցելու են Ղազախստանի, Ղրղզստանի, Ուզբեկստանի նախագահները, Հունգարիայի վարչապետը և ինքնահռչակ Հյուսիսային Կիպրոսի նախագահը։
Գագաթնաժողովին մասնակցությունը հաստատել էր նաև Թուրքիայի նախագահ Ռեջեփ Թայիփ Էրդողանը, սակայն նա չեղարկել է այցը, փոխարենը մեկնելու է Գերմանիա՝ Թուրքիա-Նիդերլանդներ ֆուտբոլային հանդիպմանը ներկա գտնվելու։
Դեռևս տեղեկություններ չկան, թե թուրքական կողմն ինչ մակարդակով է մասնակցելու գագաթնաժողովին։
