08.07.2024 | 13:36
Մի խումբ դեմոկրատ կոնգրեսականներ կողմ են արտահայտվել ընտրություններում Բայդենին փոխարինելուն
Ալիևը Ստեփանակերտ է այցելել
05.07.2024 | 13:49
Ադրբեջանի նախագահ Իլհամ Ալիևն այսօր այց է կատարում Արցախի հայաթափված բնակավայրեր։ Ադրբեջանական լրատվամիջոցների հաղորդմամբ՝ նա նախ այցելել է Ստեփանակերտի օդանավակայան, որտեղ ավելի վաղ տեղակայված էր ռուսական խաղաղապահ զորակազմի հրամանատարական շտաբը։
Այնուհետև նա շրջայց է կատարել Արցախի մայրաքաղաքում, որտեղ Ադրբեջանի իշխանությունները շարունակում են յուրացնել հայ բնակչության ունեցվածքը, ինչպես նաև շինություններ քանդել։ Ստեփանակերտում Ալիևը մասնակցել է Palace և «Ղարաբաղ» հյուրանոցների բացմանը։ Նա մասնակցել է նաև Կոնգրես կենտրոնի հիմնարկեքին ու ծանոթացել Արցախի պետական համալսարանում կատարվող աշխատանքներին։
Նշենք, որ դեռևս 2023 թվականի նոյեմբերի վերջին Ալիևը հրամանագիր էր ստորագրել «Ղարաբաղի համալսարան» ստեղծելու մասին։ Ըստ փաստաթղթի՝ Ադրբեջանի Գիտության և կրթության նախարարությանն առընթեր «Ղարաբաղի համալսարանը» ստեղծվելու է Ստեփանակերտում գտնվող բարձրագույն ուսումնական հաստատության հիման վրա։ Վերջերս էլ լրատվամիջոցների հետ զրույցում Ադրբեջանի կրթության և գիտության նախարար Էմին Ամրուլլաևն ասել էր, որ հաստատվել է համալսարան ընդունվելու ծրագիրը։
Ադրբեջանի իշխանությունները Ստեփանակերտի հայ բնակիչների բնակարանները վերածում են հանրակացարանի։
Էմմա Չոբանյան
