30.04.2026 | 23:18
ՀՀ 4 քաղաքում մթնոլորտային օդում փոշու պարունակությունը գերազանցել է սահմանային թույլատրելի կոնցենտրացիան
Հնդկաստանի հյուսիսում կրոնական միջոցառման ժամանակ հրմշտոցի հետևանքով ավելի քան 60 մարդ է զոհվել
Քաղաքականություն
02.07.2024 | 22:00
Հնդկաստանի հյուսիսային Ուտար Պրադեշ նահանգում կրոնական միջոցառման ժամանակ հրմշտոցի հետևանքով առնվազն 60 մարդ է զոհվել, տասնյակ մարդիկ վիրավորվել են: Այս մասին հայտնում են տեղի իշխանությունները, գրում է Al Jazeera-ն։
Հրմշտոցը տեղի է ունեցել Հաթրաս շրջանի գյուղերից մեկում, որը գտնվում է մայրաքաղաք Նյու Դելիից մոտ 200 կմ հարավ-արևելք։ Կառավարության ներկայացուցիչներից մեկը Associated Press-ին ասել է, որ առնվազն 60 մարմին է տարվել թաղամասի դիահերձարաններ։ Տեղական ԶԼՄ-ների տվյալներով՝ հրմշտոցը տեղի է ունեցել այն ժամանակ, երբ մասնակիցները շտապել են հեռանալ Բհոլե Բաբա անունով կրոնական առաջնորդի հետ միջոցառումից հետո:
Ոստիկանությունը հայտնել է, որ միջադեպից հետո ավելի քան 150 տուժածներ տեղափոխվել են հիվանդանոցներ:
Xinhua-ն իր հերթին հայտնում է ավելի քան 80 մարդու, այդ թվում՝ կանանց ու երեխաների զոհվելու մասին։
