14.01.2026 | 09:39
ԹՐԻՓՓ-ի միջոցով ինչի են ձգտում ՀՀ-ն ու ԱՄՆ-ը, ինչ օգուտներ են ակնկալում 2 երկրները
Սիրիայի հյուսիսում թուրքական ուժերի հետ բախումների հետևանքով 7 զոհ կա
Քաղաքականություն
02.07.2024 | 22:26
Սիրիայի հյուսիսում զինված ցուցարարների և թուրքական դիրքերի պահակախմբի բախումների հետևանքով յոթ մարդ է զոհվել, գրում է Al Arabiya։
Թուրքիայի կողմից վերահսկվող սահմանային գոտում տեղի ունեցած բողոքի ցույցերը հաջորդել են դրանց նախօրեին Թուրքիայում սիրիացի փախստականնենրի և ձեռնարկությունների դեմ տեղի ունեցած հարձակումներին։ Այստեղ մի սիրիացի մեղադրվում է երեխայի նկատմամբ բռնություն իրականացնելու մեջ։
«Յոթ ցուցարար է զոհվել թուրքական դիրքերը հսկող մարդկանց հետ փոխհրաձգության ժամանակ»,- հայտնել է Մարդու իրավունքների սիրիական դիտորդական կենտրոնը:
Նշվում է, որ 6-ը սպանվել է Աֆրին քաղաքում, 1-ը՝ Ջարաբլուսում։ Չի հստակեցվում՝ սպանված ցուցարարները զինվա՞ծ են եղել, թե՞ ոչ։
Սիրիայի հյուսիսում գտնվող բժշկական աղբյուրը AFP-ին ևս հայտնել է, որ բռնության հետևանքով յոթ մարդ է զոհվել, առավոտյան արդեն իրավիճակը հանդարտվել է։
Հարյուրավոր սիրիացիներ ցույցի էին դուրս եկել Անկարայի կողմից վերահսկվող տարածքում, որտեղ զինված ցուցարարները հարձակվել էին թուրքական բեռնատարների և ռազմական կետերի վրա և իջեցրել թուրքական դրոշները։
Ոմանք նույնիսկ փորձել էին գրոհել անցակետերը՝ բախվելով թուրք սահմանապահների հետ: Սիրիական դիտորդական կենտրոնի տվյալներով՝ բռնությունների հետևանքով փակվել են Թուրքիայի հետ սահմանային չորս անցակետեր։
Այսօր ավելի վաղ էլ թուրքական իշխանությունները հայտարարել էին, երկրում հակասիրիական անկարգություններից հետո ձերբակալել են 474 մարդու։
