02.07.2024 | 12:17
«Վասիլի Պետրենկոյի դիրիժորական ակադեմիա» ծրագրին մասնակցության հայտեր են ներկայացրել 15 երկրից. ԿԳՄՍՆ
Ֆրանսիայում անցկացվում է արտահերթ խորհրդարանական ընտրությունների առաջին փուլը
Քաղաքականություն
30.06.2024 | 14:00
Այսօր Ֆրանսիայում արտահերթ խորհրդարանական ընտրությունների առաջին փուլն է, որը կարող է պատմական հաղթանակ բերել աջակողմյան «Ազգային միավորում» կուսակցությանը։
Քվեարկությունը կտևի առավոտյան ութից մինչև երեկոյան վեցը։ Խոշոր քաղաքներում ընտրատեղամասերը կարող են բաց լինել մինչև ժամը 20։00՝ կախված ընտրողների հոսքից։
Ըստ Reuters-ի՝ ընտրական համակարգը կարող է դժվարացնել Ազգային ժողովում 577 տեղերի ճշգրիտ բաշխումը, և վերջնական արդյունքը հայտնի չի լինի մինչև հուլիսի 7-ի քվեարկության ավարտը։
Հիշեցնենք՝ Ֆրանսիայի նախագահ Էմանուել Մակրոնը հունիսի 9-ին ցրեց խորհրդարանը և արտահերթ ընտրություններ նշանակեց հունիսի 30-ին և հուլիսի 7-ին, երբ Եվրախորհրդարանի ընտրություններում Մակրոնի «Վերածնունդ» լիբերալ կուսակցությունը ծանր պարտություն կրեց ծայրահեղ աջական «Ազգային միավորմանը»։
